1.Betero 4:18 - Te B'aib'ara

¹⁸ N ai aron are atongaki ni kaangai n te B'aib'ara: “E na kangaanga kamaiuan te aomata ae raoiroi; Ao tera ae na riki nakon te aomata ae te tia bure ae buakaka?”

1.Betero 4:18 Iomraidhean Croise

Karikani B'aai 13:13

are te kaawa are a buakaka kaaina, are a bubure nakon te UEA.

Taeka n Rabakau 11:31

Ngkana a anganaki kaniwangaia aomata aika a raoiroi i aon te aonnaba aei, ao a na bon katuaaeaki aomata ni kabane aika a iowawa man teinibaba.

Ieremia 25:29

Ni moa man oin Au kaawa ae Ierutarem, a na bane aomata nako ni karawawataaki n te buaka. Ma ngaia are, bon akea te kawai ae kam na konaa iai biri nako man te kabuanib'ai.”

Etekiera 18:24

Ma ngkana a moana karaoan te bure aomata ma ni karaoi m'akuri aika a rangi n ribaaki, a na kamaiuaki? A na aki! E na m'aninga te aba taekan aia m'akuri aika a raoiroi aika a tia ni karaoi, ao a na tiringaki i bukin aia bure nako.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Ruka 15:1

A nako taan anai taekiti ma aomata aika buakaka ni kaania Iesu b'a a na ongora i Rouna.

Ruka 23:31

B'a ngkana a karaoi baikai nako Iu, Ngai ae kanga kabotauan te kai ae maiu, ao tera ae na riki nako imi, ngkami ae kanga kabotauan te kai ae m'au?

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

M'akuri 27:24

ao e kaangai, “B'auro, tai maku, e riai b'a ko na tei i matani kautun te tautaeka n Rom; ao noria, i bukin ana akoi te Atua nako im, ao a kamaiuaki iai aomata ni kabaneia ake a borau ma ngkoe.”

M'akuri 27:31

Ma e taku B'auro nakon aia mataniwi te taanga ni buaka are tebubua kaaina, ao nakoia tautia, “Ngkana a aki tiku uaakai n te kaibuke, ao kam aki konaaki ni kamaiuaki.”

I-Rom 1:18

B'a e kaotaki unin te Atua mai karawa nakoia aomata ake a tia ni kakaraoa te bure, ma te aro n iowawa; ao i bukin aroia aika bubuaka n tukiia aomata man atan te koaua.

I-Rom 5:6

B'a ngke ai bon akea te bae ti konaa, ao E mate Kristo n taina are baireaki i bukira ao i bukiia naba akana buakaka.

I-Rom 5:8

Ma te Atua, E kaota oin ana tangira nako ira n aei: b'a ngke bon taani bure ngaira, ao E mate Kristo i bukira.

1.I-Korinto 10:12

Ma ngaia aei, b'a ane taku n ana iango b'a e tei matoa, ao e na tarataraia b'a e kawa ni b'aka.

1.Timoteo 1:9

ngkae e ata te Tua b'a e aki karaoaki i bukin te aomata ae e raoiroi, ma e karaoaki i bukiia aomata aika akiako ma aika aki ongeaba, ao i bukiia aika aki itiaki ma aika eekaanako nanon te Atua ma taani bure, ao i bukiia aika akea karinean te Atua i rouia ma taani kam'araei ana b'ai te Atua, ao i bukiia taan tiringiia tamaia ma taan tiringiia tinaia, ma taan tiringiia aomata,

Ebera 4:1

Ma ngaia aei, ngkai ti anganaki te taeka n akoi i bukin te rin i nanon ana motirawa te Atua, ao ti na taraia raoi b'a e kawa ni kuneaki temanna i buakomi b'a e aki tau n rin iai.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”

1.Tamuera 15:18

Ngke E kanakoko te UEA n te m'akuri aei, ao E tuangngkami b'a kam na kamaunaia kaain Amareka aika akea bonganaia aikai.