1.Betero 3:18 - Te B'aib'ara

¹⁸ B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Betero 3:18 Iomraidhean Croise

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Warekaia Iteraera 7:15

ma temanna te kao te teei, temanna te tiibu te teei, temanna te tiibu te teei ae te mm'aane ae teuana ana ririki, b'a te karea ni kabuokaki,

Mataio 27:19

Ngke e tekateka Birato n ana tabo are e momotiki taeka iai, ao e kanakoa ana rongorongo buuna nako ina, ae kangai, “Akea te bae kam na karaoia nakon te aomata ane raoiroi anne, b'a I miia ngke e tairiki ao I aki rau iai.”

Mataio 27:24

Ngke e noria Birato b'a akea riki te bae e kona ni karaoia, ao b'a e a moanna n riki te kiriwe, ao e anaa te ran, ao e teboki iai baina i mataia aomata, ao e taku, “N na aki bukinaki ni maten te aomata aei; kam na bukinaki iai!”

Ioane 16:10

e bure ootana n aron te raoiroi i bukina ngkai N nangi nako n te Tama, ao kam na aki manga norai;

M'akuri 22:14

Ao e taku, “E a tia n rineiko Atuaia ara bakatibu b'a ko na ata nanona are na karaoaki, ma n nora Teuare Atataiaomata, ma n ongo te b'ana mai wina.

M'akuri 3:14

B'a kam kakeaa Teuare Raoiroi, are kabanea maiuna i bukin te Atua, ao kam tua b'a kam na anganaki te aomata ae te tia tiritiri,

I-Rom 1:4

ma ni maiuna n tamnei are reitaki ma te Atua, ao E kaotia te Atua n te aro ae m'aaka b'a bon Natina ngke E a manga kamaiua mai buakoia maate.

I-Rom 4:25

are E anga te Atua b'a E na tiringaki i bukin ara bure; ao E a manga kamaiua i bukira, b'a a aonga ni kaetaki arora n reitaki ma te Atua.

I-Rom 5:2

are E a tia ni karekea angara n te onimaki b'a ti na roko i nanon te akoaki aei, ae ti mena iai ngkai; ao ti kakatonga ni kaantaningan te neboaki ma te Atua.

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

2.I-Korinto 1:24

Tiaki nanora b'a ti kan tautaekaningkami, n tuangngkami aromi n onimaki; ma bon raao ngaira ni m'akuri i bukin ami kim'areirei, ngkai kam teimatoa n te onimaki.

2.I-Korinto 13:4

B'a E tauraki n te kaibangaki i bukini mamarana, ma E a manga uti ni m'aakan te Atua. B'a ti mamara n ai aroni Kristo, ma n reitakira ma ngkami ao ti na maiu ma Ngaia ni m'aakan te Atua.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Karatia 1:4

are anga Ngaia i bukin ara bure, b'a E aonga ni kamaiura mai aon te aba ae buakaka aei, n ai aron nanon Atuara ae Tamara,

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Ebeto 3:12

Ngkai ti reitaki ma Kristo, ao ngkai ti onimakinna, ao ti ninikoria ni kawara te Atua ma te aki nanokokoraki.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 10:10

ae ngaia ae a katabuaki iai maiura nakon te Atua b'a ana b'ai, ngke E anga rab'atana Iesu Kristo n ai aron nanon te Atua b'a te karea n te tai ae ti teuana ao akea riki.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Ebera 9:26

B'a ngke aroni Kristo anne, ao e na bon okioki marakina ni moa mani karikan aonnaba. Ma ngkai, ngkai e nangi roko tokin te tai ao E a ti kaoti ti te teuana te tai ao akea riki, i bukina b'a E na kamaunaa te bure n arona n anga Ngaia b'a te karea.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.

1.Betero 3:19

are E nako n arona aei ni kab'arab'ara nakoia tamnei ake n te karabuuti.

1.Betero 4:1

Ma ngaia ae ngkae E a tia ni maraki Kristo n rab'atana ao kam na tauraoi naba ni b'aina te nano ae ti te arona ma nanona; b'a ane e a tia ni maraki n rab'atana ao e a tia n aki tau-taekanaki maiuna n te bure.

1.Betero 4:6

B'a anne bukin ae taekinaki naba te euangkerio nakoia akana mate, b'a a aonga ni motiki taekaia n ai aroia aomata aika maiu n rab'ataia, ao b'a a aonga ni maiu ni maiuia n tamnei n ai aron te Atua.

1.Ioane 1:9

Ngkana ti kaoti ara bure, ao E kakaonimaki b'a E na boni kab'arai ara bure ma ni kaitiakiira man te buakaka ni kabanea ngkai E atataiaomata.