1.Betero 3:15 - Te B'aib'ara

¹⁵ Ma kam na tabua Kristo i nanomi b'a te Uea; ao kam na tauraoi n te bong ae koraki b'a kam aonga ni kona ni kaeka te aomata ae titirakiningkami bukin te kaantaninga ae mena i nanomi;

1.Betero 3:15 Iomraidhean Croise

Taian Areru 119:46

N na tataekin am Taeka nakoia uea, Ao N na aki mamaa iai.

Taeka n Rabakau 15:28

A iango moa aomata aika a raoiroi i m'aain ae a kaeka, ma e taetae n akea ana iango ane e buakaka n taekin taeka aika a buakaka.

Taeka n Rabakau 22:21

Kam konaa n onimakiniia b'a ngaia aika a na anganiko taeka aika a eti nakoia akana a tabeakiniko.

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 29:23

Ane a na neboai ma ni karineai, ngkana a noora korakoran aia botannaomata n aron ae I a tia ni karaoia, Ngai ae Atuaia Iteraera ae E tabu.

Itaia 41:21

Bon te UEA Ngai ae Atuaia Iteraera! Nakomai kaetieti ma Ngai. Kaoti am b'ai ni kakoaua.

Itaia 5:16

Ma e neboaki te UEA ae Moan te M'aaka, i bukina ngke e a tia ni kaotia b'a antai ngaia ngke e uota te eti.

Itaia 8:12

Ko na tai boboota te iango ni kamangao ti i bukina ngke a karaoia, ao tai maaka te b'ai teuana, ti i bukina ngke a maaku.

Warekaia Iteraera 20:12

Ao E taku te UEA nakoni Moote ma Aaron, “A aki kubarai aomata i bukina ngke ko aki onimakina m'aakau. Ma ngaia are, Tiaki ngkoe, ae ko na kairiia aomata nakon te aba are I a tia ni berita iai b'a N na anganingkami.”

Warekaia Iteraera 27:14

i bukina b'a kam uaia n aki ongotaeka i Rou i Merib'a i rarikin te kaawa are Kateti n te Rereua are Tin. Kam aki onimakina M'aakau ae Tabu ngke a karaoa te b'ai ae aki raoiroi nako Iu aomata ikekei.”

M'akuri 21:39

Ao e taku B'auro, “Te aomata ae te I-Iutaia ngai, ae te I-Taareto are i Kirikia, ae kaain te kaawa ae aki mangori; I butiiko b'a ko na kariaia b'a N na taetae nakoia aomata.”

M'akuri 24:25

Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 1:5

i bukin te kaantaninga are e kamenaki i m'aimi i karawa; are kam ongo taekana ngke kam moa n onimakina taekan te koaua, ae bon te euangkerio,

I-Korote 4:6

A na tangiraoi ami taeka n taai nako, ma ni kakan ongora; ao kam riai n ata te kaeka ae riai nakon temanna ma temanna.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 3:6

Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.

Ebera 6:1

Ma ngaia ae ti na aki toki ni baike ti moa n reireiaki iai n taekan Kristo, ma ti na waki rake nakon reirei n ikawai; ao ti na tai manga titiku n taekani baika kam moa n reireiaki iai, ake taekan te rairan nano mani m'akuri aika akea uaaia, ao taekan onimakinan te Atua,

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.

1.Betero 3:2

i bukina b'a ane a na noori aroaromi aika itiaki ma ni karinerine.

1.Betero 3:4

ma katamaroaami ae riai, bon te aomata ae raba ae b'ain te nano, ae katamaroaami ae aki kona ni mka, ae te nano ae nimamannei ae rau, ae kakawaki i matan te Atua.

1.Tamuera 12:7

Ao ngkai E na riki te UEA b'a ami tia moti. Ma ngaia are, kam na tei ao kakauongo, ngkana I kauringngkami aron te UEA ngke E aki toki ni kakamaiungkami ma ami bakatibu mairouia ami kairiribai.