1.Betero 3:14 - Te B'aib'ara

¹⁴ Ma ngkana kam boni maraki i bukini karaoan nanon te Atua, ao kam a kab'aia. Kam na tai makuia, ao a na tai kakiriweaki nanomi.

1.Betero 3:14 Iomraidhean Croise

Taeka n Rabakau 3:25

Ma ngaia ae, ko na aki maaku n taiani kabuanib'ai aika a karina ke taian angibuaka aika a na oroia aika a buakaka.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Ieremia 1:8

I berita b'a N na mena iroum ao ni kaawakiniko, ma ngaia are, ko na aki maaku.”

Ieremia 15:15

Kam bon noora aron karawaawatakiu n taeka aika a kamaraki aika a aki toki n rooroko, ao I karaoi baikai ni kabane i bukim te UEA. Ko na aki taotaona nanom nako ia au kairiribai; Ko na irataangau nako ia i m'aain ae a tiringai.

Etekiera 3:9

Ko na kataua te taekina Au rongorongo n te aro ae akea te b'ai ae e na konaa ni katokiko. N na kamatoatoako kaanga te taiman, ao ko na bon aki konaa ni maaku irouia aomata aika a kainikatonga aika taani kamangao.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mataio 10:31

Ma ngaia ae kam na tai maaku; b'a kam bongana riki nakoia tib'aaro aika bati.

Mataio 10:39

Ane kawakina maiuna, ao e na boni kabua; ao ane kabua maiuna i buku, ao e na boni karekea.

Mataio 16:25

B'a ane kani kawakina maiuna ao e na kabua; ao ane na kabua maiuna i buku ao i bukin te euangkerio, e na boni karekea.

Mataio 19:29

Ao ane e a tia ni kitana mwengana, ke tarina, ke m'anena, ke tamana, ke tinana, ke natina, ke abana i buku, ao e na karekei kaka tebubua riki m'aitini baike e a tia ni kitan, ao e na reke i rouna te maiu are aki toki.

Mareko 10:29

E taku Iesu, “E koaua ae I a tuangngkami b'a te aomata ae e a tia ni kitana mwengana ke tarina, ke m'anena, ke tamana, ke tinana, ke abana i buku ao i bukin te euangkerio,

Mareko 8:35

B'a ane kani kawakina maiuna, ao e na kabua; ma ane e na kabua maiuna i buku ao i bukin te euangkerio, ao e na kawakinna.

Ioane 14:1

“A na tai rawawata nanomi; kam na onimakina te Atua, ao kam na onimakinai naba.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

M'akuri 9:16

Ao N na kaoti nakoina baika bati aika e riai ni karawaawataaki iai i bukin arau.”

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

I-Biribi 1:29

B'a kam anganaki i bukini Kristo tiaki ti te onimakinna, ma te b'ainikirinaki naba i bukina.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

1.Betero 3:6

n ai aron Nei Tara ngke e irira nanon Aberaam, ao e atoatongnga b'a ana toka. Ao kam a riki b'a natina ngkami, ngkana kam kakaraoa ae e raoiroi, ma n aki mamaku n te b'ai teuana.