1.Betero 3:10 - Te B'aib'ara

¹⁰ B'a e kaangai te B'aib'ara, “Ane kani maiu ni kukurei ma ni kan noori boong aika raraoi, e na kawakina newena man te taetae ae buakaka, ao riana man taekinan te kewe.

1.Betero 3:10 Iomraidhean Croise

Iobi 2:4

Ao e taku Tatan, “Ane na bon kaaki taekan b'aai ni kabane te aomata i bukin iangoan maiuna.

Iobi 33:28

E kaawakinai b'a N na aki roko i abaia maate, ao ai ngaia ae a riki n teimatoa iai maiu.”

Iobi 9:25

A waekoa ni birinako au bong, ao bon akea teuana mai buakoia ae raoiroi.

Taian Areru 106:5

B'a I aonga n nora kab'aiaia ake a rineaki iroum, Ao ni kim'areirei ni kukureia am Botannaomata, Ma ni kamoamoaai ma am Aomata.

Taian Areru 27:13

I kakoaua b'a N na aki mate i m'ain ae I nora raoiroin te UEA n te maiu aei.

Taian Areru 49:19

Ma e na boni bootaki naba ma ana bakatibu ngkana e mate, ike a aki kona ni manga nora iai te oota.

Taeka n Rabakau 3:18

Bon te aroka ae e anga te maiu te wanawana, bon te tabo ike e nako mai iai te kukurei i bukiia ni kabane akana a taumatoaia.

Taeka n Rabakau 3:2

A na bon buokiko ni waakin maium ao n anganiko te teetekeraoi.

Taeka n Rabakau 4:22

Ataakin taian reirei aikai e na bon anganiko te maiu ni koaua ao te marurung ae e raoiroi.

Taeka n Rabakau 8:35

Ngkana kam kuneai ao kam na kunea naba te maiu, ao ane e na kukurei te UEA iroum.

Te Minita 2:3

I kani kakaaea b'a tera te kabanea n raoiroi i bukira n te tai ae e uarereke aei i aon te aonnaba. Ma ngaia are, I iangoia b'a N na kakukureiai n te wain, ao ni kakaaea b'a tera nanon te riki n nanobaba, ngkana I bon aki nanobaba raoi.

Mataio 19:17

Ao E taku Iesu nako ina, “Ko aera ngkai ko titirakinai b'a tera ae raoiroi? Bon ti Temanna ae raoiroi. Ngkana ko kan rin n te maiu are akea tokina, ao ko na tou mwin taian tua.”

Mareko 8:35

B'a ane kani kawakina maiuna, ao e na kabua; ma ane e na kabua maiuna i buku ao i bukin te euangkerio, ao e na kawakinna.

Ioane 1:47

Ngke E nora Natanaera Iesu b'a e nakoina, ao aikai ana taeka i bukina, “Noria, bon te Iteraera ni koaua ae b'ab'aina te eti!”

Ioane 12:25

Ane tangira maiuna ao e na kabua; ao ane riba maiuna n te aonnaba aei, ao e na kawakinna nakon te maiu are aki toki.

Te Tua-Kaua 32:47

Bon tiaki taeka aika akea nanoia taian tua, b'a a kona ni kananaui maiumi n te aba are kam nang anaia.

Iakobo 1:26

Ngkana e taku temanna b'a e taua te Aro, ao e aki kona n taua tian ana taeka, ao e boni m'am'anaia i bon i rouna, ao akea nanon tauan te Aro i rouna.

1.Betero 2:1

Ma ngaia ae kam na kaaki taian nano n riribai, ma te uarao, ma te baka n raoiroi, ma taiani bakantang, ma taeka ni kamaraki nano ni kabane,

1.Betero 2:22

Akea te bure ae E karaoia, ao E tuai n taekina te kewe.

Te Kaotioti 14:5

A babanga ni kewe; akea aia kairua.