1.Betero 2:9 - Te B'aib'ara

⁹ Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Betero 2:9 Iomraidhean Croise

Taian Areru 106:5

B'a I aonga n nora kab'aiaia ake a rineaki iroum, Ao ni kim'areirei ni kukureia am Botannaomata, Ma ni kamoamoaai ma am Aomata.

Taian Areru 118:27

Bon te Atua te UEA; E a tia n anganiira te oota! Moana te bootaki ni kukurei! Kam na m'ananga ma m'angani kaai ao waaki nakon te baonikarea.

Taian Areru 135:4

E rinea Iakob'a bon i bukina, te botannaomata ae Iteraera b'a oin ana b'ai.

Taian Areru 22:30

Ane a na toro i rouna rooro aika na roko; Ane a tataekina te UEA aomata nakon te roro ae nangi roko.

Taian Areru 33:12

E a kab'aia te botannaomata ae Atuana te UEA; A kab'aia aomata akana E rineia b'a ana b'ai.

Taian Areru 73:15

Ngke arona b'a I a tia n atong taeka akanne, Ao I a tia n aki riki iai b'a temanna i buakoia am Aomata.

Itaia 26:2

Kauki mataroan te kaawa i bukiia te botannaomata aika a maiuakina te tua aika a kakaonimaki nakon te Atua.

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 44:1

Kaain Iteraera, I a tia n rineingkami b'a au tia m'akuri.

Itaia 61:6

Ma ana riki ngaia b'a ana ibonga ao ana tia m'akuri te UEA ae Atuara. A na b'aina kab'aiaia botannaomata nako, ao a na tanoata taekaia.

Itaia 62:12

Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”

Itaia 66:21

N berita nakoia b'a a na riki tabeman mai buakoia b'a taian ibonga ao tabeman b'a taan i buobuoki n au Tembora. Bon aio au taeka Ngai ae te UEA.

Itaia 9:2

A tia n noora te oota aomata ake a tia n nakonako i nanon te roo. Ao a oota nako i aoia ni kabane aomata ake a maeka n te aba are te kabanea n rootongitong nuuna.

Maraki 3:17

Ao e taku te UEA ae Moan te M'aaka: Kam rangi ni boongana irou ngkami aika aomata, ao N na bon tei i bukimi ngkana I roko n uota te motikitaeka ae eti, kaanga kaaro ngkana a kaawakiniia natiia aika a ongotaeka.

Mataio 4:16

A nora te oota ae te oota ae korakora aomata ake a tekateka n te roo; ao e kaoti te oota nakoia ake a tekateka i aban te mate ao i nuuna.”

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Ruka 1:79

N anga te oota nakoia ake a mena n te roo ao n nuun te mate, ao te oota aei e na oota ao ni kairiira nakoni kawain te kamaiu.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

M'akuri 26:28

Ao e taku Akerib'a nakoni B'auro, “Ko anaa nanou b'a N na riki ni Kristian i nanon te tai ae kimototo aei?”

I-Rom 9:24

B'a I-Iutaia ngaira ke tiaki, ma boni ngaira te koraki ake a weteaki;

1.I-Korinto 3:17

Ngkana e urua ana um'antabu te Atua te aomata, ao ngaia e na uruaki iroun te Atua: b'a e tabu ana um'antabu te Atua, are boni ngkami.

I-Ebeto 1:14

Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 3:21

ana b'ai te neboaki n te ekaretia ao irouni Kristo Iesu man te rorona nakon te rorona ao n aki totoki. Amen.

Te Tua-Kaua 10:15

Ma e bon rangi ni korakora tangiraia ami bakatibu iroun te UEA, ao E tangiria ni karikiia b'a Ana b'ai. Ma ngaia are, E rineia ma kanoaia mai buakoia botannaomata ake tabeua, ao n te bong aei kam bon teimatoa naba n riki b'a ana Aomata.

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Te Tua-Kaua 18:2

i bukina b'a E a tia ni berita te UEA b'a E na karerekei kainanoia n te aro aei.

Te Tua-Kaua 4:20

Ma bon ana Aomata te UEA ngkami, i bukina b'a E kairiingkami i nanon taiani kakatai aika kabuebue, ao E kamaiungkami mai Aikubita.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.

I-Biribi 3:14

Ma ngaia are I kabirim'aakai nakon te tia b'a n na karekea te kaniwanga, are bon ana weewete te Atua i nanon Iesu nakon te maiu are i karawa.

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 20:6

E a kab'aia ane e reke nena n te moa ni manga-maiu; bon ana aomata ni koaua te Atua. Akea m'aakan te mate are te kauoua i aoia aomata aika ai aroia aikai: a na riki b'a ana ibonga te Atua ma Kristo, ao a na uea ma Ngaia tengaa te ririki.

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.