1.Betero 2:8 - Te B'aib'ara

⁸ Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

1.Betero 2:8 Iomraidhean Croise

Iobi 23:14

E na bon kakoroa bukin te b'ai ae E iangoia i buku; are bon teuana mai buakon Ana iango.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 57:14

E taku te UEA, “Kaitiaka te kawai! Katauraoia i bukiia au aomata.”

Itaia 8:14

Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.

Ruka 2:34

ao e taetae Timeon ni kakab'aiaia ao e taku nakon Nei Maria are tinana, “Noria, e na riki te teei aei b'a b'aini kamaunaia ao kamaiuaia aika bati i buakoia Iteraera, ao te kanikina are a na taetae n ekianako aomata aika bati.

I-Rom 9:22

Ao bon ti te bo naba ma are E a tia ni karaoia te Atua. E kani kaota unna ma m'aakana n ekianako ake a bon riai mateia. Ma E aki, b'a te bae E karaoia E taotaona nanona nakoia.

1.I-Korinto 1:23

Ao ngaira ti tataekina Kristo are kamateaki n te kaibangaki, ae te b'ai ni kab'akab'aka nakoia I-Iutaia, ao te nanobaba nakoia aika tiaki I-Iutaia;

2.I-Korinto 2:16

bon te boi ae kamamate ae tiritiri nakoia aika nangi mate, ao te boi ae kamaiu ae uota te maiu nakoia aika nang kamaiuaki. Ao ai antai ae tau i bukini baikai?

I-Karatia 5:11

Ma ngaia aei, taari, ngkana I bon tabe naba n tataekina te korotabonimm'aane b'a e riai, ao e aera ngkai I teimatoa ni b'ainikirinaki? Ma ngkana I tuangiia aomata b'a a na korotabonim'aneaki, ao e a aki riki ngkanne taekan te kaibangaki b'a te b'ai ni kab'akab'aka.

1.I-Tetaronike 5:9

B'a tiaki ana kaantaninga te Atua b'a E na kareke kaira, ma ana kaantaninga b'a ti na karekea te maiu iroun ara Uea are Iesu Kristo,

1.Betero 2:6

B'a e koreaki n te B'aib'ara ae kaangai: “Noria, I kawenea te atibu i Tion, ae te atibu ae bouan te maninganinga ae rineaki b'a e kakawaki; ao ane onimakinna ao e na bon aki kamaamaaeaki.”

1.Betero 2:7

Ma ngaia ae te atibu aei, e kakawaki nakoimi ngkami aika kam onimaki; ma nakoia akana aki onimaki, “E riki b'a bouan te maninganinga te atibu are kakiaki b'a akea bonganana irouia taani kateitei.”

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.