1.Betero 2:7 - Te B'aib'ara

⁷ Ma ngaia ae te atibu aei, e kakawaki nakoimi ngkami aika kam onimaki; ma nakoia akana aki onimaki, “E riki b'a bouan te maninganinga te atibu are kakiaki b'a akea bonganana irouia taani kateitei.”

1.Betero 2:7 Iomraidhean Croise

Itaia 28:5

Ngkana e roko te tai aei, ao ane e na mimitong ana baunuea te UEA ae moan te M'aaka i bukiia ana Aomata ake nikira ni maiu.

Akai 2:7

N na ioioa taiani botannaomata, ao a na uoti kaub'aia nako ikai. Ao ane e na kaona te Tembora raneanean mimitongiu.

Tekaria 4:7

Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”

Mataio 21:42

E taku Iesu nako ia, Kam tuai ni wareka are n te B'aib'ara are kangai: Te atibu are kakeaki bongana irouia taani kateitei, E a riki b'a bouan te maninganinga; Aei ana m'akuri te Uea, ao e kamimii i matara!

Ruka 2:32

Ae te oota are na kaota nanom nakoia botannaomata ake Tientaire ao e na uota karineaia am aomata ake Iteraera.”

Ruka 2:34

ao e taetae Timeon ni kakab'aiaia ao e taku nakon Nei Maria are tinana, “Noria, e na riki te teei aei b'a b'aini kamaunaia ao kamaiuaia aika bati i buakoia Iteraera, ao te kanikina are a na taetae n ekianako aomata aika bati.

Ruka 20:17

Ao E katokai matana Iesu n taraia, ao E taku, “E kanga ngkanne ootami n are koreaki ni kangai: Te atibu are a ribaia taani kateitei, b'a akea bongana, e a riki b'a te atibu ae moan te kakawaki i buakon atiibu nako.

Ioane 4:42

ao a taku nakon te aine arei, “Ai tiaki i bukin am taeka ae ti onimaki iai, b'a ae ti a bon ongo mai Rouna, ao ti a ataia b'a ngaia bon aei te Tia Kamaiua te aba.”

M'akuri 26:19

Ma ngaia are, te uea ae Akerib'a, I aki rawa nakon te baere kanga te mii are kaoti mai karawa;

I-Rom 10:21

Ma aikai ana taeka, aika ana taeka te UEA i bukiia Iteraera: “I aroarori baiu ni kabongnga nakon te botannaomata ae aki ongeaba irou, ao e katei nako iu.”

I-Rom 15:31

b'a N na kamaiuaki mairouia ake a rawa n onimaki i Iutaia, ao a na kukurei n au m'akuri ana aomata te Atua ake a mena i Ierutarem.

2.I-Korinto 2:16

bon te boi ae kamamate ae tiritiri nakoia aika nangi mate, ao te boi ae kamaiu ae uota te maiu nakoia aika nang kamaiuaki. Ao ai antai ae tau i bukini baikai?

I-Korote 2:10

Ao kam a tia n anganaki te maiu ni koaua ngkai kam reitaki ma Ngaia, are atuuni m'aaka ma korakora ni bane.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

Ebera 11:31

N te onimaki are e aki kamateaki iai Nei Raaba are te kabekaau ma ake a aki onimaki, ngke e a tia ni m'aneia n akoia taan tutuo akekei ma te rau.

Ebera 4:11

Ma ngaia ae ti na kakorakoraira ni kan rin i nanon te motirawa arei, b'a e kawa temanna ni b'aka, ni katotongiia te koraki arei i bukin aia aki ongeaba.

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;

1.Betero 2:4

Kam na nakoina, nakon Teuare kanga ai aron te atibu ae maiu, ae kakiaki bonganana irouia aomata, ma E rineaki iroun te Atua b'a e kakawaki.

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.