1.Betero 2:22 - Te B'aib'ara

²² Akea te bure ae E karaoia, ao E tuai n taekina te kewe.

1.Betero 2:22 Iomraidhean Croise

Taian Areru 34:13

Ma ngaia ae tai taetae n iowawa, ao tai b'aina te kewe.

Itaia 53:9

E raoiroi ao e nimaamannei, ma e taunaki n ruanimateia aika a iowawa ao a kaub'ai.

Mataio 27:19

Ngke e tekateka Birato n ana tabo are e momotiki taeka iai, ao e kanakoa ana rongorongo buuna nako ina, ae kangai, “Akea te bae kam na karaoia nakon te aomata ane raoiroi anne, b'a I miia ngke e tairiki ao I aki rau iai.”

Mataio 27:4

ao e taku, “I a tia ni bure ngke I kam'anea te aomata ae akea ana bure.” Ao a taku, “Tera ara b'ai iai? Ai bon am b'ai anne!”

Ruka 23:41

Ao ngaira, e bon riai n reke aei i roura; b'a ti karekea mwin are ti a tia ni karaoia, ao Teuaei E aki karaoa ae buakaka.”

Ruka 23:47

Ao mataniwin te taanga ni buaka are tebubua kaaina, ngke e nora te baere riki, ao e karaoiroa te Atua, ni kangai, “Bon te aomata ae akea ana bure Teuaei!”

Ioane 1:47

Ngke E nora Natanaera Iesu b'a e nakoina, ao aikai ana taeka i bukina, “Noria, bon te Iteraera ni koaua ae b'ab'aina te eti!”

Ioane 8:46

Antai iroumi ae kona ni motika taekau b'a I bure? Ngkana I atonga te koaua, ao kam aera ngkai kam aki kakoauaai?

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Ioane 2:1

Au ataei aika uarereke, I koroi baikai nako imi, b'a kam aonga n aki bure. Ao ngkana e bure temanna, ao bon iai te Tia Tei i bukira are Iesu Kristo ae atataiaomata, are mena iroun te Tama:

1.Ioane 3:5

Ao kam bon ataia b'a E karokoaki Teuarei b'a E na uoti nako buure; ao bon akea te bure i nanona.

Te Kaotioti 14:5

A babanga ni kewe; akea aia kairua.