1.Betero 2:20 - Te B'aib'ara

²⁰ B'a tera kamoamoami ae na reke ngkana kam bure ma n oreaki iai, ao kam taotaon nanomi? Ma ngkana kam karaoa ae e raoiroi, ni kamarakaki iai, ao kam taotaon naba nanomi iai, ao kam na kakab'aiaki iai iroun te Atua.

1.Betero 2:20 Iomraidhean Croise

Mataio 26:67

Ao a bawarea ubuna, ao a oroia; ao tabem'aang a oroia n nanoni baiia,

Mataio 5:47

Ao ngkana kam kamauriia ti kaain te Aro, tao a raka riki aromi iai nakoia aomata nako? Tiaki a karaoa naba aei te koraki ake a tuai n onimakina te Atua?

Mareko 14:65

Iai tabem'aang ake a bawareia, ao a rabuna ubuna, ao a oreia ni baiia, ao a taku nako Ina, “Kaotia b'a antai ae oroiko!” Ao bureitiman a oreia n aki akaaka.

Ruka 6:32

Ngkana kam tangiriia akana tangiringkami, ao tera kamoamoaami ae na reke iai? B'a aomata aika taani bure a tangiria naba aomata ake a tangiraki i rouia.

1.I-Korinto 4:11

Ma ngkekei ni karokoa ngkai ao ti baki ma n taka; e kaan ae ti nang aki kunnikaira; ti oreaki; ao ti tuai n tekateka ni maeka;

I-Karatia 4:18

b'a kam aonga n tauaninne i rouia. E raoiroi te tauaninne n taai nako n te bae e raoiroi, ao tiaki ti ngkana I mena iroumi.

I-Ebeto 5:10

ao kataa te kakukureia te Atua.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

1.Betero 2:19

E na kakab'aiaki te aomata iroun te Atua i bukin aei: b'a e ata nanon te Atua i mataniwin nanona, ao e nanom'aka iai ni kamarakaki n te aro ae aki riai.

1.Betero 3:14

Ma ngkana kam boni maraki i bukini karaoan nanon te Atua, ao kam a kab'aia. Kam na tai makuia, ao a na tai kakiriweaki nanomi.

1.Betero 3:17

B'a e raoiroi riki marakimi i bukini karaoan ae e raoiroi, ngkana anne nanon te Atua, nakoni marakimi i bukini karaoan ae buakaka.