1.Betero 2:19 - Te B'aib'ara

¹⁹ E na kakab'aiaki te aomata iroun te Atua i bukin aei: b'a e ata nanon te Atua i mataniwin nanona, ao e nanom'aka iai ni kamarakaki n te aro ae aki riai.

1.Betero 2:19 Iomraidhean Croise

Iobi 21:27

I atai ami iango aika buakaka akana i nanomi.

Taian Areru 119:86

A bane n onimakinaki am Tua, I b'ainikirinaki irouia taani kewe, buokai!

Taian Areru 35:19

Tai kariaia taan ribaai, ake taani kewe, b'a a na ngareakinai; Ao a na tai katou mataia aiau akana akea bukin riribaakiu irouia.

Taian Areru 38:19

A marurung ma ni korakora taan ribaai; A bati akana akea bukin ribaakiu i rouia.

Taian Areru 69:4

Te koraki ake a ribaai n akea bukina a m'aiti riki nakoni m'aitin iran atuu. A tabeki taeka ni kewe n eekainako iai; A korakora ake a kani kamateai. A tauai ma te matoa b'a N na kaoki b'aai ake I aki I raei.

Ruka 6:32

Ngkana kam tangiriia akana tangiringkami, ao tera kamoamoaami ae na reke iai? B'a aomata aika taani bure a tangiria naba aomata ake a tangiraki i rouia.

Ioane 15:21

Ma ane a na karaoi baikai ni kabane nakoimi i bukin arau, b'a a aki ata Teuare kanakomaiai.

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

I-Rom 13:5

Ma ngaia ae e riai b'a kam na b'aina te aan-taeka, tiaki ti i bukin ana moti te Atua are e na rawawata mwina nakoimi, ma i bukina naba b'a kam bon ataia b'a te b'ai ae bon riai karaoana.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 8:1

Taari, ti tangiringkami b'a kam na ata ana akoi te Atua are e nonoraki arona n ekaretia nako i M'aketonia:

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

Ebera 10:2

B'a ngke tao e kona, ao tiaki e toki te aba n anganga karea akanne? B'a ngke a kaitiakaki taan taromauri man aia bure, ao akea namakinani mwin te bure i rouia.

1.Betero 2:20

B'a tera kamoamoami ae na reke ngkana kam bure ma n oreaki iai, ao kam taotaon nanomi? Ma ngkana kam karaoa ae e raoiroi, ni kamarakaki iai, ao kam taotaon naba nanomi iai, ao kam na kakab'aiaki iai iroun te Atua.

1.Betero 4:15

Ngkana e maraki temanna i buakomi, ao e na tai atongaki iai b'a te tia tiritiri, ke te tia iraa, ke te tia karaoa ae buakaka, ke te tia kanrabakauakin aia b'ai aomata tabem'aang n te aro ae aki riai.