1.Betero 2:17 - Te B'aib'ara

¹⁷ Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.

1.Betero 2:17 Iomraidhean Croise

Karikani B'aai 20:11

Ao e kaeka Aberaam, “I taku ngai b'a akea ae karinea te Atua ikai, ao I maaku iai b'a kam rawa n tiringai, ao kam anaa buu.

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Te Otinako 20:12

“Karineia tamami ma tinami b'a a aonga n ab'ab'aki ami bong ni maiu i aon te aba are I anganingkami.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 23:17

Tai mataaiakiniia taani bure, ma karinea te Atua n taai nako.

Taeka n Rabakau 24:21

Natiu, kam riai ni karinea te UEA ao te uea, ao kam na aki iraorao ma aomata aika a kakaitaraia nakon temanna mai buakoia uakanne.

Te Minita 8:2

Ngkana ko berita nakon te Atua b'a ko na kakaonimaki nakon te uea, ao I tuangko b'a ko na riai ni kakoroa raoi nanon am berita.

Nakoaia Ibonga 19:32

I tuangngkami b'a kam na kaota karineakiia aomata aika a kara, ao ongotaeka nako Iu n te maaku ma te rurubenebene.

Tekaria 11:14

Ao i mwiina, I otea te kai are e aranaki b'a “Katiteuanaki” ao I kaaki te kabae are i marenan Iuta ma Iteraera.

Mataio 22:21

A kaeka ao a taku, “Kaitaraa.” E taku ngkanne nako ia, “Ma ngaia ae kam na angani Kaitaraa akana ana b'ai Kaitaraa; ao angan te Atua akana ana b'ai te Atua.”

Ioane 13:35

Ngkana kam b'aina te i tangitangiri, ao ane a na ataingkami iai aomata ni kabaneia b'a au reirei ngkami.”

I-Rom 12:10

Kam na i tangitangiri n ai aroia taari, ao tai tab'ara ni kaota aron te ikarinerine.

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Ebeto 5:21

ao kam na aan-taeka, temanna iroun temanna, b'a kaotani karineani Kristo iroumi.

I-Biribi 2:3

ao akea te bae kam na karaoia ma te kauntaeka ke te kainikatonga, ma kam na b'aina te nanorinano, temanna nakon temanna, n aromi n iangoia b'a a raoiroi riki nakoimi.

1.Timoteo 6:1

Aomata aika tooro aika mena i aan te amo n toronaki a riai n iangoia oin aia toka b'a a riai ni kabatiaki karineaia, b'a e aonga n taekinaki ni kamoamoaki te Atua ma ara reirei.

Ebera 13:1

Ke e teimatoa aroia n i tangitangiri taari.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Betero 2:13

I bukin te Uea ao kam na ongeaba nakon tuan taian tautaeka nako: b'a tao nakon te king

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

1.Tamuera 15:30

Ao e taku Tauro, “I boni bure, ma taiaoka ma karineai i mataia taani kairiiri n te taanga ni buaka ao i mataia Iteraera. Okirikaaki ma ngai b'a I aonga ni kona n taromauria te UEA ae Atuam.”