1.Betero 1:7 - Te B'aib'ara

⁷ b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

1.Betero 1:7 Iomraidhean Croise

Iobi 23:10

Ma e ngae n anne, ao E atai m'anekau ni kabane te Atua; ao ngkana E kataai, ao E na bon kakoauaai b'a bon akea au bure.

Iobi 28:1

Bon iai taabo ike a taunaki iai taian tirewa. Bon iai taabo ike a manga kaburoaki iai taian koora.

Taian Areru 17:3

Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taeka n Rabakau 16:16

E rangi n raoiroi b'a kam na wanawana ma ni iango raoi nakon ae kam na kaub'ai.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Taeka n Rabakau 8:19

E rangi ni kakaawaki te b'ai ae ko karekea mairou nakon naba te koora ae te kabanea n raoiroi te tirewa ae te kabanea n itiaki.

Te Minita 5:14

Ao ane a na karina ni bua b'aai ni kabane ake a karekei man te anga n iokinib'ai ae e buakaka, ao ane e na akea ae e na tiku i bukiia natiia.

Itaia 48:10

I katai ngkami n taai aika a matoatoa kaanga te tirewa ae e a manga karaoaki n te ai ae e uram'aaka.

Ieremia 48:36

I tang inanou i bukin Moaba kaanga ai aron te tanginimate ae e aneneaki n te kaib'ab'aa. I tang i bukiia kaain te kaawa are Kira Ereti, i bukina b'a a nako kaub'aia.

Ieremia 9:7

Ma ngaia are, I kabooua nanoia Au aomata kaanga te koora ae e kabouaki n te ai ae e uram'aaka. Bon akea te anga riki teuana ae N na karaoia.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Maraki 3:3

E na kaitiakia ana kariki Rewi, te UEA kaanga ai aron te tirewa. Ao ane a na uota te angab'ai ae e kaantaningaaki nakon te UEA.

Warekaia Iteraera 5:28

Ma e na bon aki maraia ngkana e bon tuai, ao e na bon teimatoa naba ni kakariki.

Mataio 19:28

E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Mataio 25:21

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Mataio 25:23

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

Ruka 17:30

ao ai arona naba n te bong are E kaotaki iai Natin te Aomata.

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

M'akuri 8:20

Ma e taku Betero nakoina, “E na mauna ma n akea bonganan am m'ane, ao ai arom naba, ngkai ko taku n am iango b'a e konaaki ni karekeaki ana b'ai n tituaraoi te Atua n te m'ane!

I-Rom 2:10

ma te neboaki ma te karineaki ma te rau bon aia b'ai aomata nako akana kakaraoa te raoiroi, aika I-Iutaia moa ao I-Erene naba.

I-Rom 2:29

Ma te I-Iutaia ni koaua bon te aomata ae te I-Iutaia i nanona; ao te korotabonimm'aane ni koaua boni b'ain te nano, ae e nako mairoun te Tamnei, ma tiaki kanoan te Tua. E reke kamoamoakin te aomata aei mairoun te Atua ma tiaki mairouia aomata.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

I-Rom 8:19

B'a b'aai ni kabane aika karikaki a tiku ma te ingainga ni kakantaninga te Atua are E na kaotia b'a antai aika bon natina.

1.I-Korinto 3:13

ao ane e na noraki mwin ana m'akuri temanna ma temanna b'a aekara n te bong arei: b'a e na kaotaki n te ai are na katai aia m'akuri nako b'a ua ra.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

1.Betero 1:13

Ma ngaia ae kam na tatauraoi n ami iango nako; kam na kamarurungngkami, ao kam na teimatoa ni kaantaninga te akoi are na uotaki nakoimi ngkana E a manga oki Iesu Kristo.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

1.Betero 2:4

Kam na nakoina, nakon Teuare kanga ai aron te atibu ae maiu, ae kakiaki bonganana irouia aomata, ma E rineaki iroun te Atua b'a e kakawaki.

1.Betero 2:7

Ma ngaia ae te atibu aei, e kakawaki nakoimi ngkami aika kam onimaki; ma nakoia akana aki onimaki, “E riki b'a bouan te maninganinga te atibu are kakiaki b'a akea bonganana irouia taani kateitei.”

1.Betero 4:12

Ngkami aika kam tangiraki, kam na tai mimi n te b'ainikirinaki ae korakora ae kam taonaki iai ma ni kataaki iai, b'a aongkoa te b'ai ni kamimii ae riki nakoimi;

1.Betero 4:13

ma ngkai kam buokanib'ai ni marakini Kristo, ao kam na kim'areirei; b'a aonga ni kabatiaki ami kim'areirei ngkana e kaotaki arona ni mimitong.

1.Betero 5:1

Ma ngaia ae I kani kaungaia unimm'aane akana mena i buakomi, ngai ae bon te unimm'aane naba, ao te tia nora Kristo n arona ni maraki, ao te tia buokanib'ai n te neboaki are nang kaotaki:

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

2.Betero 1:4

ake E anganira iai taeka n akoi ake a kakawaki ma ni moa ni kakannato, b'a kam aonga ni biri nako man te kaib'ab'aru ae kamamate ae i aon te aba, ao kam riki b'a taani buokanib'ai n te aro n Atua.

2.Betero 3:14

Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.