1.Betero 1:25 - Te B'aib'ara

²⁵ ma ana taeka te Uea e teimatoa n aki toki.” Ao te taeka aei bon te euangkerio ae tataekinaki nakoimi.

1.Betero 1:25 Iomraidhean Croise

Taian Areru 102:12

Ma Ngkoe, te UEA, Ko uea n aki toki; Ko na ururingaki irouia rooro nako.

Taian Areru 102:26

A na bane ni mauna, ma Ko teimatoa; ane a na mangaingai kanga te kunnikai. Ko onikia kanga ai aron te kunnikai, ao ane a na bane n akea rab'ataia.

Taian Areru 119:89

Te UEA, e na teimatoa koauan am Taeka n aki toki; e na teimatoa n aki toki i karawa.

Itaia 40:6

Temanna ae e takaarua n tuangai, ao I titiraki ni kaangai, Tera ae N na takaaruaia?” Bon ti taian uteute ngaira aika aomata, e aki tei maan maiura riki nakon taian uee aika a riki n aki akaaka

Itaia 40:8

A mauna nako uee ma uteute, ma a na bon aki konaa ni bitaki b'aai aika e a tia n taekin.

Mataio 5:18

B'a e koaua ae I a tuangngkami, b'a ngkai e tuai ni mauna karawa ma aonnaba, ao e na bon aki mauna manin taekan te Tua ae te kabanea n uarereke, ke aron taekana ae te kabanea ni kimototo, i m'ain rikini b'aai nako ake a taekinaki n te Tua b'a a na riki.

Ruka 16:17

Ma e kai mauna riki karawa ma aonnaba, nakon ae e na mauna bonganan teuana manin taekan te tua.

Ioane 1:1

Ngke a tuai ni karikaki b'aai, ao bon iai te Taeka; ao E memena iroun te Atua, ao bon te Atua te Taeka.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

1.I-Korinto 2:2

B'a e reke nanou ngke I mena i buakomi b'a akea riki te bae N na taekinna b'a ti Iesu Kristo, te Kristo are mate n te kaibangaki.

I-Ebeto 2:17

Ma ngaia are, E roko Kristo ao E tataekina te raoi nakoimi aika kam raroa nako ngkoa ma te Atua, ao nakoia naba aika kaani ma Ngaia.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

Tito 1:3

ma ngke e roko taina ae riai, ao E kaota ana taeka n te Rongorongo are I mwiokoaki iai, ao I tataekinna n ai aron tuangau iroun te Atua are ara Tia Kamaiu;

Ebera 6:5

ao a a tia naba n reke i rouia ana taeka ae raoiroi te Atua ma m'aakan te aba ae nangi roko,

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

1.Betero 1:23

B'a n ana taeka te Atua, ae te taeka ae maiu ae teimatoa, ao ai aron ae kam a manga bungiaki, tiaki mairoun te karo ae mamate, ma mairoun te karo ae aki mamate.

1.Betero 2:2

ao kam na tangira te miriki ae itiaki ae b'ain te nano, n ai aroia merimeri aika tib'a bungiaki, b'a kam aonga n ikawai iai ao kam kamaiuaki;

2.Betero 1:19

Ma ngaia ae ti aki nanokokoraki riki n te rongorongo are a taekinna burabeti. E raoiroi iroumi b'a kam na ongo iai, i bukina b'a ai aron te taura ae ura n te tabo ae roo ni karokoa ae e nang oti taai ao e oota te itoi ni ngaina i nanomi.

1.Ioane 1:1

Te baere iai ma ngke a tuai ni karikaki b'aai, are ti ongo, are ti noria ni matara, are ti tarataraia, are a riingnga naba baira, ae taekan te Taeka are te maiu,

1.Ioane 1:3

are ti a tia n noria ma n ongo, ao ti taekinna naba nako imi; b'a kam aonga n uaia ni buokanib'ai iai ma ngaira, n ai aron are ti buokanib'ai iai ngaira ma te Tama ao Natina are Iesu Kristo.

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.