1.Betero 1:19 - Te B'aib'ara

¹⁹ ma kam kainaomataki n te raraa ae kakawaki ae raraani Kristo, are kanga ai aron te tiibuteteei ae akea buakakana ao akea baarekana.

1.Betero 1:19 Iomraidhean Croise

Te Otinako 12:5

Ko na rinea te tiibu ke te kooti, ko na anaa ae teuana ana ririki ni maiu ae te mm'aane ae akea toabuakan rab'atana.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 53:7

E rangi ni kabuakakaaki, ma e bon aki ngurengure. E aki kakarongoa kaanga te tiibuteteei ae e kairaki nakon te tia tiringa te tiibu ao e aki tangitang ngkana e koroburaeaki.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 22:20

A riai n akea nukaia, b'a ngkana iai ao N na aki butim'aai. Kao m'aane ma tiibu ataei ao kooti boni ngaiia man aika kawakawa aika a na kabonganaaki i bukin aekan nako karea aikai.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Warekaia Iteraera 7:27

temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

Warekaia Iteraera 7:39

temanna te kao mm'aane ae te teei, ma temanna te tiibu mm'aane, ma temanna te tiibu te teei ae te mm'aane ae teuana ana ririki b'a te karea ni kabuokaki;

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Mataio 26:28

B'a aei raraau, ae raraan te boraraoi, ae kawawaeaki i bukiia aomata aika bati i bukini kab'aran aia bure.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 1:36

ao e tarataraa Iesu ngke E nakonako, ao E taku, “Nora ana Tiibuteteei te Atua!”

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

I-Rom 3:25

are E anga b'a E aonga n riki, ni matena, b'a te kawai are a na kab'araki iai aia bure aomata nako, n onimakinana. E karaoa aei te Atua b'a E na kaota iai arona n reitaki ae e raoiroi ma aomata. N taai ake a b'akanako, ao E a tia n taotaona nanona n aki mutiakini buure;

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Korote 1:14

are e reke mai Rouna kainaomatakira, ae nanona, b'a a kab'araki ara bure.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 2:2

boni Ngaia te kareanraoi i bukin ara bure; ao tiaki ti ara bure, ma aia bure naba kaain aonnaba ni kabaneia.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.

Te Kaotioti 14:5

A babanga ni kewe; akea aia kairua.

Te Kaotioti 5:6

Ao I nora te Tiibuteteei n tei i nukan te kaintokanuea ma baike a maiu ake aman, ma unimm'aane akekei: E tara n ae E a tia ni kamateaki te Tiibuteteei arei, ao itiai korona, ao itiua matana, ake tamnei ake mairoun te Atua, ake a a tia ni kanakoaki nako aon aaba ni bane.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.