Yunapi 8:11 - Godokono Hido Tabo

¹¹ Ba꞉ba tetelo ibi ipuwalo etate ebeno tamedawa ba꞉ma ka꞉na a꞉kakiyama꞉mene, ‘Wadiyala ama꞉ Godoko amia꞉no Kodawama꞉ na꞉midiya꞉.’ Ao, etate ba꞉mako tabo ebeno mabulubitamo a꞉kolamaga꞉mene, mabu ibi ipuwalo kokopi ba꞉gala hegehegepi atumu, ibi hiliyonomate tepo ipuwoeno ukui ya꞉lo a꞉hiduilamiya꞉, iba꞉te na ibino Kodawama꞉ hibilo komidininama꞉!

Godokono Wade Tabo

¹¹ Ebe tetelo ibi magumulo idite ebeno tamedawa ma kunu akanamene, ‘Modobola a꞉ma꞉ Godoko a꞉imano Kawodawama꞉ na꞉midiye.’ Ao, idawate mako tabo ebeno namutudawatamo a꞉ka꞉kiyawaomene, mabu ibi magumulo kawokawopi ega꞉walo egegepi atumu, ibi bilibilinomate tepo magumuno woki wadekobi iyalo a꞉midiliya, iba꞉te na ibino Kawodawama꞉ nanitabolo ka꞉midininama꞉!

Yunapi 8:11 Iomraidhean Croise

Yone 6:45

Numa꞉la꞉, dopamo Godokono ukui hawakalimipa꞉te ebeno Bukamo tabo ba꞉ma ka꞉na miya꞉tiya꞉, ‘Tete ba꞉ na꞉pe, Godote ha꞉kiya hopo habanapi hiliyonomo ebeno gabo kiya꞉tulamema꞉ne.’ Ba꞉bema꞉ ba꞉moe komo ba꞉ hibila, pote Nabiwino tabo madodo uliti ebegodone hido iya꞉tawa komo da꞉lawenako, ba꞉be dawate natamo kopema꞉ne.

Oelamepino Ododili Komokomo 8:10

Samaliya hopoeno dito tawakalubi ba꞉gala koko mahilago tawakalubi ibi hiliyonomate ebeno iya꞉tulame komo hidonomamo ulihonakuya꞉. Ba꞉bene iba꞉te na꞉ga꞉lanakuya꞉, “Ebeno helo Hunu Habane pena, ba꞉bema꞉ ale ebetamo Helonomodawa mahilo kikamiya꞉!”

1 Yone 2:27

Ba꞉ hibila, la꞉ ibino ha꞉da amiho komamo a꞉kaguda꞉mata, mabu Kelisote ebeno Gobogobo la꞉ hunamo ya꞉lo a꞉haminuya꞉, iyo, ebete emedena tetelo la꞉go ba emedena ebe ha꞉kiya hiliyonomo komokomo la꞉ biya꞉tulamenakomena꞉ta, eta lumagitiha꞉. Numa꞉la꞉, ebeno iya꞉tulame komo ba꞉ hibinomola, iyo, eta ha꞉da amiho komote ebegodone a꞉kuluhukale, ba꞉bema꞉ ebete la꞉ keba ka꞉na kiya꞉tulametana, wadiyala la꞉ ba꞉ba ka꞉na ebe ipuwalo nemedehonala꞉.

1 Yone 5:20

Ba꞉gala a eta komo iya꞉tawahala, Godokono Guduti ba꞉moe hopamo da꞉piya꞉, ebete atamo hido mulu komo a꞉pikaa꞉miya꞉ ale Hibidawoeno komo hidamo kiya꞉tawahanama꞉. Numa꞉la꞉, ba꞉be Hibidawa ba꞉ Godotela, ebe ba꞉ Wiboha꞉ Ka꞉ka꞉la, ba꞉bema꞉ kalakala konomola, ale ebeno Gudu Ya꞉su Kelisoko ipuwalo bemedehonama꞉!