Yunapi 7:21 - Godokono Hido Tabo

²¹ Huiyatiya Ya꞉suti ebetamo hawa꞉goeno ikamehodawama꞉ dediya꞉, ba꞉ba tetelo Godote ebeno mahilonomo ba ka꞉mi ebetamo hibinomolo ba꞉ma ka꞉na goiya꞉, “Na Kodawa Godote amia꞉no okoma꞉ naeno ukui hiya꞉ma꞉ a꞉kamida꞉mo, mabu nale naeno mahilamo ba꞉moe hibinomo tabo ba꞉ a꞉goemo, ‘Emedena emedena tetelo ama꞉ natamo hawa꞉goeno ilina ikanamehonedawama꞉ beda꞉namena꞉ta.’”

Godokono Wade Tabo

²¹ Wiyasiya Ya꞉sute ebetamo kalimagono ikameodawama꞉ dediya, ebe tetelo Godote ebeno mailonomo eba ka꞉milo ebetamo nanitabonomolo ma kunu giya, “Na Kawodawa Godote a꞉imano wokoma꞉ naimano woki iyakobi a꞉ka꞉midimo, mabu nale naimano mailamo me nani tabonomo egemo, ‘Uwomua꞉ uwomua꞉ tetelo a꞉ma꞉ natamo kalimagono inamabu ikanamonedawama꞉ beda꞉nama꞉ta.’”

Yunapi 7:21 Iomraidhean Croise

Loma 11:29

Ba꞉ hibila, Godote dopamo kebe hidohido komo tawakaluba꞉tamo dikalamiya꞉, ebete ukui hiya꞉ma꞉ miditi gala a꞉kuwata꞉mene, ba꞉gala ebete dopamo pui malemalelo duwatiya꞉, ebete galane tetelo ibi ubiha꞉ma꞉ eda꞉te dito a꞉kamiya꞉pala꞉mene.

Yunapi 5:6

Ba꞉bene Godote ebeno Bukalo ebeno komo gala ba꞉ma ka꞉na kahawakalimiya꞉, “Emedena emedena tetelo ama꞉ natamo hawa꞉goeno ilina ikanamehonedawama꞉ beda꞉namena꞉ta, Mekisadekate dopamo naeno okodawama꞉ keba ka꞉na keda꞉nami ba꞉ba ka꞉na.”

Yunapi 7:17

Ba꞉bema꞉ hibila, Godote ebeno uli okodawoeno komoma꞉ ebeno Bukalo tabo ba꞉ma ka꞉na ihatiya꞉, “Emedena emedena tetelo ama꞉ natamo hawa꞉goeno ilina ikanamehonedawama꞉ beda꞉namena꞉ta, Mekisadekate dopamo naeno okodawama꞉ keba ka꞉na keda꞉nami ba꞉ba ka꞉na.”

Yunapi 7:20

Ba꞉gala ba꞉moe ba꞉ eta komola. Dopamo tetelo Libai gu dubate Godotamo hawa꞉goeno ilina ikamehopima꞉ eda꞉hate oko tupuimihino, etate ibino komoma꞉ Godokono mahilo kaka꞉miya꞉ha꞉ iba꞉te ba꞉be oko ebeno heloamo kowatihonama꞉.

Yunapi 7:23

Ba꞉gala eta komo. Dopamo Godotamo hawa꞉goeno ilina dikamehonakui ba꞉bi dubate hiliyonomoma꞉ eda꞉hanama꞉, mabu ibi ipuwalo komopi da꞉ha꞉lahanakui komo uliuli apepeho dubate ha꞉lahapino oko haba ba꞉ dito kuwatenakuya꞉.

Yunapi 7:28

Ba꞉bema꞉ ale ba꞉moe ko komo hidamo umima꞉, Godote atamo Moseseko ipuwado dikaa꞉miya꞉ ba꞉bi Tutumu Tabo komodo tete ga꞉ga꞉nomolo komo tuputupuha꞉ dubate Godotamo hawa꞉goeno ikamehopino hununomo watowatopima꞉ eda꞉hanama꞉. Huiyatiya galane tetelo ebete ba꞉bi Tutumu Tabo komokomo tama꞉mo ba miya꞉te ebeno helo mahilamo hibinomolo ba꞉bo goiya꞉, ebeno Gudu kapiyate ebetamo hawa꞉goeno ikameho oko habalo kemedenama꞉. Ba꞉ hibila, ba꞉be Guduti ba꞉be oko owati komo hidonomamo ya꞉lo iya꞉tawate emedena emedena tetelo ba꞉ba ka꞉na bowatinamene.