Yunapi 6:5 - Godokono Hido Tabo

⁵ iba꞉te Godokono Ko Gawadubuma꞉ eda꞉ komoeno helo duminakui ba꞉gala ebeno tabo dulihonakui ba꞉bi komokomo golanomoma꞉ ba꞉bo ga꞉lanakuya꞉.

Godokono Wade Tabo

⁵ iba꞉te Godokono Kawo Elawodawama꞉ eda꞉ tanalono elawo duminakiya ega꞉walo ebeno tabo dolowionakiya ebe iyaiya tanalo golanomoma꞉ ebo gelanakiya.

Yunapi 6:5 Iomraidhean Croise

Ma꞉tiyu 12:32

Ba꞉bema꞉ kebe lumagiti Tawakalubino Naniwino komoma꞉ duhimi tabo dolamagimini, Godote ebeno kuba egeboleme iya꞉tawala, huiyatiya kebe lumagiti Godokono Gobogoboeno oko owati komoma꞉ duhimi tabo dolamagimini, Godote ba꞉be kuba egebolemete a꞉kadodomenamene, emedena emedena tetelo ebeno kubate bitanamene.”

Maka 6:20

Ebete Yoneko na꞉tolemenami, mabu ebe iya꞉tawala Yonete tuputupudawama꞉ ba eda꞉na Godokono talona ipuwalo emedena. Ba꞉ hibila, ebete Yonekono tabo dopamo duliya꞉ ukui bilibilima꞉ ba꞉bo ediya꞉, huiyatiya ebete du genamalo ba emedena, Heloditi ebe hidamo ba umina komo hiya꞉hiya꞉ tetelo ebeno tabo kalakalago ulinakui.

Luku 8:13

Komo tawakalubi nakola hakamo da꞉gudi, ibi ba꞉ ba꞉bi kikipola. Iba꞉te tabo dulimina꞉ kalakalago kolawema꞉na꞉, huiyatiya ibino tepo ipuwalo haha puliyala, ba꞉bema꞉ iba꞉te hibima꞉ midi ipuwalo nanekela꞉mo emeda꞉tepate temeteme komate iba꞉tamo da꞉pikulimina꞉ tiyonomo kogudima꞉na꞉.

Epesese 6:17

Ba꞉bene tawakalubino ka꞉ka꞉ mula꞉ komote Godogodone duluhukuna, wadiyala ama꞉ alaholoho ipuwalo ba꞉be komo amia꞉no dibamo kapuliti, ba꞉gala Godokono Gobogoboeno alaholo gili akona꞉lawiya꞉, ba꞉be gili ba꞉ Godokono Tabola.

Yunapi 11:3

Ba꞉bene a aeno hibima꞉ midi komodo niya꞉tawahanama꞉, Godote ebeno Hunu Haba ba꞉gala hopo haba konomo ebeno tabo olamagi komamo ododiliya꞉, iyo, ale aeno baidinomamo dulamenama꞉ ba꞉bi ilina hiliyonomo ebete eta lepalamo kododiliya꞉ha꞉.

Yunapi 2:5

Numa꞉la꞉, Godokono Ko Gawadubuino uli habate atamo hibilo duluhukumini, nale ba꞉be haboeno komoma꞉ olamagitamo, ba꞉moe pakala hopoeno komoma꞉ kolamagitaha꞉. Ba꞉ hibila, ebete ebeno nopopi kamiya꞉tiya꞉ha꞉ iba꞉te ba꞉be uli habalo koko gawadubuma꞉ keda꞉hanama꞉.

Yunapi 4:12

Ba꞉moe komo ba꞉ hibila, Godokono tabote ba ka꞉ka꞉na tawakalubino tepo ipuwalo oko helonomamo owatina, gihanomo kiyokiyo gili keba ka꞉nala꞉ka꞉ ba꞉ba ka꞉na, iyo, ebeno gihate komo hiliyonomo alaholoho gilino giha na꞉gogolena. Ba꞉bema꞉ Godokono tabote lumagino ukui mabamo a꞉pa꞉ganomo a꞉pa꞉ganako, ba꞉be lumagino tepo ipuwoeno ukui ba꞉gala gobogoboeno ukui hidonomamo kanagilamelemema꞉. Iyo, ba꞉ hibila, tawakaluba꞉godolo da꞉pola꞉na, Godote ba꞉bi tepo ipuwoeno ubi komo ba꞉gala emalagidolo komo ebeno tabamo ba anagilamelelame, ba꞉bi hiya꞉hiya꞉ komo hiliyonomo ba꞉bo hawakalilamenako.

1 Pita 1:25

Godokono Tabote huiyatiya emedena emedena tetelo bitanamene.” Numa꞉la꞉, ba꞉moe tabo ba꞉ komopa꞉te dopamo tetelo la꞉tamo dolamagimiya꞉ ba꞉be Hido Tabola.

1 Pita 2:3

Ba꞉ hibila, dopamo tetelo la꞉ Kodawoeno malemale totoma꞉namidate golanomoma꞉ ba꞉bo ga꞉luya꞉mata.

2 Pita 2:20

Ba꞉bema꞉ hibima꞉ midipa꞉la꞉, la꞉ hidamo! Kebe tawakaluba꞉te aeno Kodawa ba꞉gala Ka꞉ka꞉ Mula꞉lea꞉medawa Ya꞉su Kelisokono hibi komo ba iya꞉tawaha ba꞉moe hopoeno kuba ubi komone da꞉pikuliya꞉, ba꞉bene kuba ubi komate ibi gala kamatuhulameholete, iba꞉te ba꞉bi kuba ododili komamo gala da꞉kapapamila꞉halemena꞉, ibi niliya! Dopamo tetelo iba꞉te nanekela꞉mo kubadopoma꞉ eda꞉hanama꞉, huiyatiya galane ibino ka꞉ka꞉ kuititi tetelo iba꞉te kubanomoma꞉ keda꞉hama꞉na꞉.