Yunapi 6:13 - Godokono Hido Tabo

¹³ Numa꞉la꞉, Godote A꞉ibalahamako kowalubima꞉ ebetamo hibilo da꞉goiya꞉, ba꞉ba tetelo ebeno tabo kokodakoduimima꞉ ebete ebeno mahilo ka꞉miti ba꞉bo goiya꞉, iyo, ebete hopo lumagino mahilo ka꞉mihino ebeno mahilonomo beka꞉miya꞉ mabu ebeno helote tawakalubi hiliyonomoeno hiya꞉hiya꞉ helo na꞉gogolena.

Godokono Wade Tabo

¹³ Numa꞉la꞉, Godote A꞉ibalayamako kowalubima꞉ ebetamo nanitabolo degiya, ebe tetelo ebeno tabo ka꞉kodakodaima꞉ ebete ebeno mailo ka꞉mite ebo giya, iyo, ebete me opo lumagino mailo ka꞉mia꞉no ebeno mailonomo ebe ka꞉miya mabu ebeno elawote epo bilibilinomono iyaiya elawo nodoilina.

Yunapi 6:13 Iomraidhean Croise

Luku 1:73

“Ba꞉gala ebete aeno iniwa A꞉ibalahamatamo hibinomolo na꞉kagoiya꞉,

Galesiya 3:15

Naeno hibima꞉ midipi ekaka꞉la꞉, nale hopo habanapino eta ododi komo go taboma꞉ miditi ba꞉be komamo la꞉ kiya꞉tulamema꞉nemata. Ba꞉ma ka꞉na tawakalubino holoholo hapulu netewa dubate ibino nopo tamotete baa꞉ kapimilo da꞉nahamena꞉, galane tetelo ibi ipuwalo etate ba꞉be nopoeno tabo dito adikanale modoboha꞉, iyo, iba꞉godolo gabote a꞉kitanamene ba꞉be tabo hiya꞉ma꞉ komidima꞉.

Galesiya 3:18

Ba꞉bema꞉ numa꞉la꞉, Godokono hidohido owalubi komate Tutumu Tabamo papamila꞉ha komodo tawakaluba꞉tamo nikulitale, a biya꞉tawahana꞉ ebete dopamo hibilo da꞉goiya꞉ ba꞉be dopo taboeno helote ba꞉ ya꞉lo a꞉wibuya꞉. Huiyatiya eba ka꞉naha꞉. Godote A꞉ibalahamatamo hibilo da꞉goiya꞉, ba꞉be hibi tabo kapiyado hidohido owalubi komo ebetamo ba꞉ dito ikamehonakui, A꞉ibalahamakono eta ododi komodoha꞉. Ba꞉moe ba꞉be mabuma꞉ a iya꞉tawahala, ba꞉be hibi taboeno helote emedena tetelo ba itana, ba꞉ma tetelo a mabuma꞉ atumu hido oko beka-owatina.