Yunapi 4:7 - Godokono Hido Tabo

⁷ Ba꞉moe komo ba꞉ ba꞉ma ka꞉nala, komo gogo hiliyonomate da꞉petolamiya꞉ Godote dopo tawakalubino hido tete ota komo ba emalagidolonape, ebete komo tawakalubi mabuma꞉ gala eta hegela beka-ihatiya꞉, ba꞉be hegela ebete ka꞉lo hegelama꞉ goena. Ba꞉ hibila, ebeno Bukalo kebe tabote ba꞉be eta hegeloeno komo da꞉hawakalimina ale dopamo umima꞉, iyo, Godote ba꞉be tabo Da꞉ibidiko ipuwado ba꞉ma ka꞉na goiya꞉, “La꞉ huiyatiya ka꞉lo hegelalo Godokono tabo dulima, ebetamo wato kodakodahibima꞉ akeda꞉hala꞉!”

Godokono Wade Tabo

⁷ Me tanalo ma kunula, ulama bilibilinomo epetapiate da꞉petolamiya Godote dopo epono wade tete anaetoamida tanalo eba malagidolonapelo, ebete epo epetapi mabuma꞉ walo egela idi a꞉kiyatiya, ebe egela ebete ka꞉lo egelama꞉ gena. Nanitabola, ebeno Bukalo kebe tabote ebe egela idino tanalo dawokalimina ale dopamo uima꞉, iyo, Godote ebe tabo Da꞉ibidido ma kunu giya, “La꞉ wiyasiya ka꞉lo egelalo Godokono tabo dolowiaema, ebetamo wato kodakodanomoma꞉ akoeda꞉oala꞉!”

Yunapi 4:7 Iomraidhean Croise

Ma꞉tiyu 22:43

Ya꞉suti iba꞉tamo na꞉goiya꞉, “La꞉eno tabo ba꞉ hibila, ba꞉bema꞉ mabu keka꞉ Da꞉ibiditi Kelisoko ebeno Kodawama꞉ da꞉ka꞉miya꞉? Iyo, ebete Godokono Gobogoboeno heloamo tabo ba꞉ma ka꞉na olamagiya꞉,

Maka 12:36

Numa꞉la꞉, Da꞉ibiditi Godokono Gobogoboeno heloamo tabo ba꞉ma ka꞉na olamagiya꞉, ‘Kodawa Godote naeno Kodawa Kelisotamo na꞉goe, ‘Ama꞉ naeno tu hapuamo na꞉pemeda꞉, ba꞉bene ama꞉go alaholohopi ama꞉le naeno heloamo ibi komikimoelema꞉na꞉ta.’ ’”

Luku 20:42

La꞉ numa꞉la꞉, Da꞉ibiditi Sam Ohale Bukamo tabo ba꞉ma ka꞉na miya꞉tiya꞉, ‘Kodawa Godote naeno Kodawa Kelisotamo na꞉goe, ‘Ama꞉ naeno tu hapuamo na꞉pemeda꞉,

Oelamepino Ododili Komokomo 2:29

Ba꞉bene Pitate tabo moga꞉melo gala na꞉kagoiya꞉, “Ekaka꞉la꞉, na hilopoheno aeno iniwa Da꞉ibidikono komo hawakalimima꞉ la꞉tamo kolamagima꞉nemo. Ebete ba꞉moe tabo Godokono Bukamo da꞉miya꞉tiya꞉ ebeno komoma꞉ kamiya꞉tiya꞉ha꞉, mabu numa꞉la꞉, ebete da꞉hoiya꞉ iba꞉te ebe bobamo ihatiya꞉, ba꞉bene ka꞉lo ebeno bobo haba agodolo bitama꞉na.

Oelamepino Ododili Komokomo 2:31

Ba꞉gala Kelisote galane tetelo hoe ipuwane da꞉mahigamene, ba꞉be komo uluhukuhino dopamo Da꞉ibiditi Godokono heloamo dumiya꞉, ba꞉be komoeno tabo ba꞉bema꞉ ebeno Bukamo ba꞉ma ka꞉na miya꞉tiya꞉, ‘Godote ebe ha꞉lahapino habalo a꞉kamiya꞉pamene, ba꞉gala ebe bobo ipuwalo a꞉kabala꞉mene.’

Oelamepino Ododili Komokomo 28:25

Ba꞉be mabuma꞉ hegelate ba gapogapohona olowabeletihui komote iba꞉tamo da꞉peniya꞉, ba꞉ba tetelo iba꞉te hiya꞉hiya꞉ tabo ba ga꞉lana ibino genamamo ba꞉ dito tolameniya꞉. Ba꞉ba tetelo Polote hibima꞉ midiha꞉ Yunapa꞉tamo ba꞉moe kapiya kodakoda tabo begoeniya꞉, “Godokono Gobogobote ebeno ukui hawakalimidawa Aisayako bikiyamiya꞉, ebete la꞉eno iniwala꞉tamo tote tabo hibinomolo ba꞉ma ka꞉na konolamagima꞉,

Yunapi 3:15

Iyo, ba꞉moe mabuma꞉ Godokono Buka tabote ba꞉ma ka꞉na goena, “La꞉eno iniwala꞉te Godotamo wato kodakodahibima꞉ ba eda꞉ha, ebetamo papamila꞉ha ubiha꞉ma꞉ eda꞉huya꞉. La꞉ huiyatiya ebeno tabo ka꞉lo hegelalo dulima, iba꞉te dopamo keba ka꞉na kewageliya꞉, la꞉ ba꞉ba ka꞉na akewagela꞉la꞉.”