Yunapi 4:6 - Godokono Hido Tabo

⁶ Numa꞉la꞉, dopamo tetelo puya꞉te Godokono Hido Tabo dulihuya꞉, iba꞉te hibima꞉ midihino ebeno tabamo kapapamila꞉haliya꞉ha꞉, ba꞉bema꞉ iba꞉te ibino hido tete otate ebeno hawela ami komamo kana꞉pa꞉la꞉huya꞉ha꞉. Huiyatiya kalakala konomola, ba꞉ma tetelo gigihote a꞉hiya꞉midalo itana komopa꞉te ba꞉be atu hawela ami komamo hibima꞉ midi komodo kona꞉pa꞉la꞉hama꞉.

Godokono Wade Tabo

⁶ Numa꞉la꞉, dopamo tetelo piyate Godokono Wade Tabo dolowiya, iba꞉te nanitabokobi midia꞉no ebeno tabamo ka꞉tudila꞉iya꞉, ebema꞉ iba꞉te ibino wade tete anaetoamidate ebeno ela ami tanalamo ka꞉nopila꞉iya꞉. Wiyasiya kalakala kawonomola, me tetelo gigiyute a꞉iyamidalo itana epetapiate ebe atu ela ami tanalamo nanitabokobi midi tanalodo ka꞉nopila꞉oma꞉.

Yunapi 4:6 Iomraidhean Croise

Ma꞉tiyu 21:43

“Ba꞉bema꞉ nale la꞉tamo na꞉goemo, Godote Ko Gawadubuma꞉ deda꞉na, ba꞉be komo ebete la꞉godone puwatete puya꞉godolo hidohido noloho gao da꞉pola꞉na ba꞉bako tawakaluba꞉tamo dito kikalamema꞉ne.

Oelamepino Ododili Komokomo 28:28

Ba꞉bene Polote ebeno tabo moga꞉melo gala na꞉kagoeniya꞉, “Wadiyala la꞉ niya꞉tawahala꞉, ba꞉ma tetelo Godokono ka꞉ka꞉ mula꞉ komoeno tabo ebete ba꞉ Yuha꞉pa꞉tamo ikalami, mabu iba꞉te kalakalago uliti kolawema꞉na꞉ huiyatiya la꞉leha꞉.”

1 Kolini 7:29

Naeno hibima꞉ midipi ekaka꞉la꞉, naeno iya꞉tulame taboeno ipuwa ba꞉ ba꞉ma ka꞉nala, Godokono Kuititi Hegelate ba꞉ na꞉tatali, ba꞉bema꞉ kebe dubuti kamena dopamo lawete eba꞉go demedena, wadiyala ebete ba꞉ma tetene tupuimiti kamena laweha꞉ dubu huiyamo nemedenamene.

Galesiya 3:8

Numa꞉la꞉, Godote a tetelo Yuha꞉pi uwatete ibino hibima꞉ midi komodo ibi tuputupupima꞉ da꞉midilina, ba꞉be komote uluhukuhino dopamo ebete A꞉ibalahamatamo ba꞉be nopo ba hawakalimi Kelisokono Hido Taboeno ipuwa ebetamo ba꞉bo olamagiya꞉. Iyo, ba꞉be tabote ebeno Bukalo ba꞉ma ka꞉na itana, “Hiya꞉hiya꞉ hopolo demedehona ba꞉bi tawakalubi kapiyuimi hiliyonomate na ba꞉ma ka꞉na ba꞉toenamehonenakomena꞉, ‘Ama꞉le A꞉ibalahamako keba ka꞉na kowalubionakui, wadiyala ama꞉le a atumu ba꞉ba ka꞉na nowalubinakuya꞉.’”

Yunapi 4:11

Ba꞉bema꞉ wadiyala a hibima꞉ midipa꞉te oko owati ipuwalo helonomoma꞉ keda꞉hama꞉nema꞉, ale ba꞉be Hawela Ami Hopamo hibilo kona꞉pa꞉la꞉hama꞉, mabu puya꞉te Godokono tabo dopamo dulihuya꞉, iba꞉te ibino hibima꞉ midiha꞉ komodo hibo gabo keba ka꞉na ka꞉nududiya꞉, a hiliyonomo ipuwalo eta kapiyate ba꞉ba ka꞉na nega modoboha꞉.

Yunapi 4:2

Ba꞉ hibila, a ba꞉ma tetelo Hido Tabo keba ka꞉na kulihuya꞉ma꞉, aeno iniwala꞉te ba꞉ atumu dopamo Godokono tabo ulihuya꞉, huiyatiya ibino tabo uliho tetelo iba꞉te hido komo ebegodolo kumiya꞉ha꞉ mabu ebeno tabo hibima꞉ midi komodo kalawiya꞉ha꞉.

Yunapi 4:9

Ba꞉be mabuma꞉ a ba꞉moe komo iya꞉tawahala, eta hibi hawela ami komote Godogodolo bitana ebete ebeno tawakaluba꞉tamo kikalamema꞉, iyo, ebete sa꞉ba꞉ni hegelalo ebeno oko owati komone hawela keba ka꞉na kamitiya꞉, ale ba꞉ba ka꞉na ba꞉be atu hawela ami ipuwamo kona꞉pa꞉la꞉hama꞉nema꞉.