Yunapi 3:10 - Godokono Hido Tabo

¹⁰ Ba꞉ba tetelo nale ba꞉bi tawakaluba꞉tamo maubate na꞉goiya꞉mo, ‘Iba꞉te na hibilo kata꞉mahenenaha꞉, iyo, ibi ubihinola naeno Tutumu Tabamo kopapamila꞉halema꞉.’

Godokono Wade Tabo

¹⁰ Ebe tetelo nale ebe epatamo dowate negiyamo, ‘Iba꞉te na nanitabolo kowaloma꞉enena꞉, iyo, ibi ubia꞉nola naimano Totomu Tabamo ka꞉tudila꞉oma꞉.’

Yunapi 3:10 Iomraidhean Croise

Ma꞉tiyu 20:24

Ba꞉bene komo ta꞉ni ta꞉matapa꞉te ba꞉be komo uliti ba꞉bi dubu netewapa꞉tamo na꞉maubahalitiya꞉,

Maka 3:5

ba꞉bema꞉ Ya꞉suti maubate ibino wato kodakoda komo umilamete, ba꞉be mabuma꞉ ibi tepo menemena꞉go ba ulamehole ba꞉be dubutamo na꞉goiya꞉, “Amia꞉no kokoto na꞉hogamina,” ba꞉bene ebete kokoto da꞉hogaminuya꞉ ebeno kokotote ba꞉bo hiduya꞉.

Yone 8:45

Na huiyatiya hibi tabo komokomo kapiya bolamaginakomo, ba꞉bema꞉ la꞉le la꞉eno ha꞉da amiho nabiwi huiyama꞉ ba eda꞉hana la꞉ na hibima꞉ kamidininaha꞉.

Loma 1:28

Numa꞉la꞉, tawakaluba꞉te ibino tepo ipuwalo Godokono hibi komo ubiha꞉ma꞉ deda꞉huya꞉, ba꞉bema꞉ Godote ibi dito miya꞉paliya꞉ iba꞉te ibino ukuilo kuba dalowa꞉nomoma꞉ ba eda꞉ha ebeno kukala dito kowakalaminakoma꞉.

Loma 3:7

Ba꞉bema꞉ diyala, eta daedae lumagiti ba꞉ma ka꞉na da꞉ kagoemene, “Godote naeno ha꞉da amiho komodo hido tete belawenako ebeno hido ododi komo hawakaliminomo kohawakalimima꞉. Iyo, ba꞉ ba꞉ba ka꞉na ebe ha꞉kiya ebe bawagaminanako, ba꞉bema꞉ ebete tawakalubino komo danagilamelelamemene, ba꞉ba tetelo modoboha꞉ ebete na kuba ododidawama꞉ goe!

Epesese 4:30

Ba꞉bene la꞉eno ododili ipuwalo la꞉ Godokono Gobogobotamo temeteme ikamema꞉ modoboha꞉, mabu Godote ebe la꞉tamo ikalamia꞉ta, ebete la꞉ ipuwalo ba emedena Godokono kukalama꞉ keda꞉nama꞉. Iyo, ba꞉be kukalate la꞉ ba꞉ma ka꞉na iya꞉tulamenata, la꞉ ba꞉ ebeno gugudima꞉ eda꞉hanamata ba꞉bema꞉ ebeno Hido Hegelate la꞉ mabuma꞉ hibinomolo kuluhukuma꞉ne, ba꞉be Hegelalo ebete la꞉ ba꞉moe hopoeno hiliyonomo temeteme komone kuluhukulatelema꞉na꞉ta.

Yunapi 3:12

Ba꞉bema꞉ naeno hibima꞉ midipi ekaki, la꞉ hidamo! Modoboha꞉ la꞉ ipuwalo etate ebeno tepo ipuwalo kuba ukui emalagidolo ba tupuimi Hibi Ka꞉ka꞉dawa Godokono ubi komamo papamiwataha꞉ma꞉ eda꞉te ebegodone dohobigamene.