Yunapi 2:6 - Godokono Hido Tabo

⁶ Huiyatiya Godote ebeno Ko Gawadubu haba potamo ikamema꞉ ubi dihatiya꞉, ebeno Buka taboeno komokomo hiliyonomo ipuwalo eta tabote ba꞉be komo ba꞉ma ka꞉na hawakalimina, “O Godo, amia꞉no malemale bada konomola꞉ka꞉! Amia꞉no helo konomoma꞉ ba eda꞉na, mabu keka꞉ ama꞉le hopo habanapi demalagidolena? Iyo, ama꞉le ibi bada mabuma꞉ ka꞉malemalelateleona?

Godokono Wade Tabo

⁶ Wiyasiya Godote ebeno Kawo Elawodawano gobebobo potamo ikaema꞉ ubi diyatiya, ebeno Buka apuapuno tabo bilibilinomo magumulo tabo idite ebe tanalo ma kunu awokalimina, “O Godo, a꞉imano nilakapo beda꞉ kawonomola꞉ka꞉! A꞉imano elawo kawonomoma꞉ eba eda꞉nalo, mabu keleka꞉ a꞉ma꞉le me opo epo demalagidilola꞉wena? Iyo, a꞉ma꞉le ibi beda꞉ mabuma꞉ ka꞉nilakapoilama꞉wena?

Yunapi 2:6 Iomraidhean Croise

Luku 1:68

“Godote Isalaela tawakalubi hidonomamo dowalubilinako, ale ebe ba꞉bema꞉ komilimihoma꞉nema꞉, mabu ebete ebeno tawakalubi owalubilima꞉ ba꞉ na꞉pe, tete tatalila ebete ibino kuba ododili ipuwane ibi kopuluhukulatelema꞉ne!

Luku 1:78

“Ba꞉bema꞉ hibila, aeno Godote a konomamo ba malemalea꞉tena, ebeno ka꞉ka꞉ mula꞉leno alote atamo ba꞉bo kopuluhukuma꞉ne, hegelate tawakaluba꞉tamo da꞉puluhukunako ba꞉ba ka꞉na.

Luku 7:16

Ba꞉bema꞉ ibi hiliyonomate konomamo toletoleholo Godokono mahilo hunamo ba adipate na꞉ga꞉luya꞉, “Godokono ukui hawakalimidawa atamo ba꞉ a꞉puluhuku! Iyo, Godote ebeno tawakalubino ka꞉ka꞉ mula꞉lelamema꞉ pe!”

1 Tesalonaika 4:6

Iyo, la꞉le hibima꞉ midi ipuwalo kapiya badininipalama꞉ ba eda꞉hana, modoboha꞉ etate ebeno lumagitamo kateneno kuba hilopo komo ododi, ba꞉gala modoboha꞉ etate ha꞉da amiho gabodo ebeno ekawino eta hido komo pilolo lawe. Ba꞉ hibila, ale dopamo la꞉ konomamo ba꞉ma ka꞉na a꞉kiyahalamia꞉ta, puya꞉te ba꞉mako kuba komokomo dododilina Godote iba꞉tamo huiya hibilo kikalamema꞉ne.

Yunapi 4:4

Iyo, ba꞉ hibila, Godokono Buka taboeno komokomo hiliyonomo ipuwalo sa꞉ba꞉ni hegeloeno komoma꞉ eta tabote ba꞉ma ka꞉na bitana, “Godote ebeno oko hiliyonomo hawaminalete sa꞉ba꞉ni hegela tetelo hawela bamitiya꞉.”

Yunapi 5:6

Ba꞉bene Godote ebeno Bukalo ebeno komo gala ba꞉ma ka꞉na kahawakalimiya꞉, “Emedena emedena tetelo ama꞉ natamo hawa꞉goeno ilina ikanamehonedawama꞉ beda꞉namena꞉ta, Mekisadekate dopamo naeno okodawama꞉ keba ka꞉na keda꞉nami ba꞉ba ka꞉na.”

1 Pita 1:11

Huiyatiya numa꞉la꞉, iba꞉te ba꞉moe eta komo nipo umiya꞉, Godokono ka꞉ka꞉ mula꞉ komote keba ka꞉na na꞉ka꞉pemene ba꞉gala kebako tetelo na꞉ka꞉puluhukumini. Ba꞉ba tetelo Kelisokono Gobogobote ebeno ka꞉ka꞉ mula꞉ komoeno pe tete iba꞉tamo hibilo kahawakalimiya꞉ha꞉, huiyatiya ebete ibi ipuwado ba꞉ma ka꞉na olamaginakui, Godokono Oemedawa Kelisote da꞉pemene, ebete dopamo koko temeteme uwatete, galane Godote ebeno hido a꞉la꞉mina komamo ebe ba꞉bo kawagaminama꞉ne.