Yunapi 2:16 - Godokono Hido Tabo

¹⁶ Ba꞉bema꞉ Ya꞉sukunu ododili ipuwalo a ba꞉moe komo buminama꞉, ebete Hunu Haboeno nopopi owalubilihino A꞉ibalahamakono eyoni gugudi kapiya bowalubilinako.

Godokono Wade Tabo

¹⁶ Ebema꞉ Ya꞉sukono osiyodilole magumulo a me tanalo uminama꞉, ebete Unu Duliyomolono nopopi walubilia꞉no A꞉ibalayamakono walone gudi kapiya walubilinako.

Yunapi 2:16 Iomraidhean Croise

Loma 2:25

Ba꞉bema꞉ Yu dawa, keba tetelo ama꞉ Godokono Tutumu Tabo hiliyonomamo hibilo da꞉papamiwatanamena꞉, ba꞉be komodo ama꞉le gudu deha꞉poto tetelo da꞉lawiya꞉la, Godote ba꞉be tama itamida kukaloeno komo hidoma꞉ kogoema꞉ne. Huiyatiya ama꞉ nulia꞉, ama꞉le ebeno komo Tutumu Tabo komamo papamiwataha꞉ma꞉ deda꞉mena꞉, amia꞉no tama itamida komoeno hido komote a꞉kitanamene.

Galesiya 3:16

Ba꞉ ba꞉ba ka꞉na Godote ebeno Bukalo komo hiya꞉hiya꞉ tetelo ebeno nopo A꞉ibalahamatamo ba tamote tabo hibinomolo ba꞉bo goenakui, ebete ebe ba꞉gala ebeno galanepi kowalubilinakoma꞉, huiyatiya numa꞉la꞉, ba꞉bi tabo komate A꞉ibalahamakono galanepi hiliyonomoeno komoma꞉ hunulu ba pola꞉na, ibino ko ipuwa ba꞉ kapiyanomo galanedawoeno komoma꞉ goena, ba꞉be dawa ba꞉ Kelisotela.

Galesiya 3:29

Iyo, la꞉ hiliyonomo ba꞉ Kelisokono tawakalubilata, ba꞉bema꞉ la꞉ A꞉ibalahamakono hibi eyoni gugudima꞉ ba eda꞉hana, Godote ebetamo wiboha꞉ owalubi komo ikamehoma꞉ hibilo da꞉goiya꞉, la꞉ ba꞉ atumu Godogodone atu owalubi komo ba꞉kalawenakomata.

Yunapi 12:10

Ba꞉gala eta komo. Hopo haboeno naba꞉te ibi ha꞉kiya ibino ubilo kebe komo hidohidoma꞉ da꞉ga꞉lanaka, a ba꞉bi komo kododilima꞉ iba꞉te hiya꞉hiya꞉ temeteme komamo tete nanekelelo a iya꞉tua꞉menaka. Huiyatiya Godote ebeno hido ka꞉ka꞉ atamo ikaa꞉mema꞉ ubi bihatena, ba꞉bema꞉ ebete a kebe komo ododilima꞉ diya꞉tua꞉menako a ba꞉bi komo hibilo dododilinakoma꞉, ba꞉ba tetelo ebete Hido-talonadawama꞉ keba ka꞉na keda꞉na, a ba꞉ atumu talonapima꞉ kakeda꞉hama꞉nema꞉.

Yunapi 2:15

iyo, puya꞉te emedena tetelo ibino ha꞉laha komoma꞉ da꞉toletolehonama꞉, Ya꞉suti ubi ba꞉bo ihatiya꞉ ba꞉bi tawakalubi tole komoeno helo ipuwane kuluhukulatelema꞉.

Yunapi 2:17

Ba꞉moe ba꞉be mabuma꞉ ba꞉moe hopolo puya꞉te Ya꞉sukunu ekakima꞉ deda꞉hana, ebete ibino holoholonomoma꞉ hibinomolo ediya꞉, iyo, eta gabote kitanuya꞉ha꞉ ebete tawakalubino kuba ododili komo egebolelamete kadodoholelamema꞉. Numa꞉la꞉, ebete hopo lumagima꞉ dediya꞉, ba꞉be mabuma꞉ ebe Godotamo hawa꞉goeno ilina ikamehopino Watodawa kapiyanomoma꞉ ba eda꞉na, ebete hopo habanapi malemalelo kowalubilinama꞉ Godotamo oko modobolo owatinako.

Yunapi 6:16

Iyo, a iya꞉tawahala, hopo habanapino olowabeletihui ipuwalo etate tabo ba goita, ebeno tabo kodakoduimima꞉ eta kodawoeno mahilo da꞉ka꞉mimini, ba꞉ba tetelo ulihopa꞉te ebeno tabo hibima꞉ miditi, ba꞉bene ibino olowabeletihui komote ba꞉ dito kowiboma꞉ne.

1 Pita 1:20

Ba꞉ hibila, ba꞉moe hopo ododihino dopamo Godote Kelisoko ya꞉lo a꞉ka꞉miya꞉ la꞉eno ka꞉ka꞉ komula꞉lelamema꞉, ba꞉bema꞉ kalakala konomola, a tetelo ba꞉moe hopoeno kuititi tete ba tatali ebete hopo habanapa꞉tamo ba꞉bo pehawakaluya꞉,