Yunapi 13:24 - Godokono Hido Tabo

²⁴ Ba꞉bene la꞉eno hopo konomolo kebe watowatopa꞉te sose oko la꞉tamo dowatihona, wadiyala la꞉ ibi hiliyonomatamo naeno nolata tabo na꞉noelamiya꞉la꞉. Ba꞉moe Itali hopolo demedehona ba꞉bi hibima꞉ midipi ekaka꞉te ibino nolata tabo atumu la꞉tamo kapoelama꞉.

Godokono Wade Tabo

²⁴ Ebene la꞉imano opo kawonomolo kebe watowatopiate sosi woko la꞉tamo dosiyodilona, modobola la꞉ ibi bilibilinomatamo naimano nilakapo tabo nanaliboliyala꞉. Me Itali opolo dilukuliona ebe nanitabokobi midipi ekakiate ibino nilakapo tabo atumu la꞉tamo kapalibola꞉.

Yunapi 13:24 Iomraidhean Croise

Oelamepino Ododili Komokomo 18:2

ba꞉bene eta Yu dubu ebeno mahilo Akuilatela, Pontase hopolo hawakaluya꞉, ebete Polokoba꞉ ba꞉bo aluguya꞉. Ba꞉ba tetelo ba꞉be dubuti ebeno kamena Pilisilakoba꞉ Itali hopone piya꞉, mabu Konomo Gawadubu Kolodiyasiti Yu tawakaluba꞉tamo maubalo a꞉goelamiya꞉ ibi hiliyonomate ebeno Itali hopoeno Loma ko habane kikulihoma꞉. Ba꞉bema꞉ eta hegelalo Polote ibi netewapa꞉tamo nuluhukuti,

Oelamepino Ododili Komokomo 27:1

Ba꞉bene Loma gabomana꞉te a ibino Itali hopamo palai boga꞉go komagatoema꞉ tabo dihatiya꞉, ba꞉ba tetelo alaholohopa꞉te Poloko ba꞉gala komo du genamalo demedehonama꞉, ibi hiliyonomo eta alaholohopino watodawoeno kokotamo ba꞉ dito nimiya꞉tiya꞉. Ba꞉be alaholohopino watodawoeno mahilo Yuliyasitila, ba꞉gala ebeno alaholohopino kapiyuimino mahilo ba꞉ Konomo Gawadubu Sisakono Kapiyuimipila.

Oelamepino Ododili Komokomo 9:13

A꞉nanayasiti ebeno tabo ba huiya na꞉goiya꞉, “Kodawa, na tawakalubi hiliyodopagodone ulimo, ba꞉moe dubuti Yelusalemalo amia꞉no tuputupu tawakaluba꞉tamo koko kuba bododilinakui.

1 Kolini 16:16

wadiyala la꞉ ba꞉bako tuputupu ododilipa꞉tamo na꞉papamila꞉hanala꞉, ba꞉gala puya꞉te iba꞉go oko dowatihona iba꞉tamo atumu na꞉kapapamila꞉hanala꞉.

2 Kolini 1:1

Na ba꞉ Polotela, Ya꞉su Kelisote ebeno sose tupuimima꞉ hiya꞉hiya꞉ hopamo doelamiya꞉, ba꞉bi okopi ipuwalo na ba꞉ etala mabu Godote ebeno ubilo na a꞉laweniya꞉. Na ba꞉gala a hibima꞉ midipino ekawi Timotiko, ale la꞉ puya꞉te Kolini habalo Godokono sose tawakalubima꞉ deda꞉hanama, ba꞉gala komo la꞉ puya꞉te Guliki hopo konomolo Godokono tawakalubima꞉ da꞉keda꞉hanama, ale ba꞉moe leta la꞉ hiliyonomatamo poemema꞉.

2 Kolini 13:13

Godokono tawakaluba꞉te ba꞉malo demedehona, ibi hiliyonomate ibino nolata tabo la꞉tamo poelama꞉.

Pilipai 1:1

Na ba꞉ Polotela. Na ba꞉gala Timotiko ale Ya꞉su Kelisokono komo okopima꞉ eda꞉hanama꞉, ba꞉bema꞉ la꞉ Pilipai habalo puya꞉te Ya꞉su Kelisoko ipuwalo Godokono tawakalubima꞉ deda꞉hanama, ale ba꞉moe leta la꞉tamo poemema꞉, ba꞉gala la꞉ sose watowatopi ba꞉gala la꞉ puya꞉te oko owati ipuwalo watowatopi dowalubilinama, ale ba꞉moe leta la꞉ mabuma꞉ atumu na꞉kapoemema꞉.

Pilipai 4:22

Ba꞉gala puya꞉te ba꞉moe Loma ko habalo Godokono tawakalubima꞉ deda꞉hana, ibi hiliyonomate la꞉tamo nolata tabo bekapoema꞉, iyo, ibi ipuwalo puya꞉te Konomo Gawadubu Sisakono genamalo ebeno oko dowatihona, ba꞉ba꞉te ibino nolata tabo konomo atumu na꞉kapoema꞉.

Kolosi 1:2

ale la꞉ puya꞉te Kolosi habalo Godokono tawakalubima꞉ ba eda꞉hana Kelisoko ipuwalo aeno hibima꞉ midipi ekakima꞉ deda꞉hanama, ale ba꞉moe leta la꞉tamo poemema꞉. Wadiyala aeno Nabiwi Godote ebeno malemale komo ba꞉gala hete komo la꞉tamo nikalama꞉mena꞉ta.

Pailimoni 1:5

Iyo, naeno kalakala bitana mabu ama꞉le Godokono tawakalubi hiliyonomo malemalelo demalagidolena ba꞉gala ama꞉le Kodawa Ya꞉suku hibima꞉ midi ipuwalo kodakodalo da꞉la꞉na, nale ba꞉bi netewa komokomo ulihonakomo.

Yunapi 13:17

Ba꞉gala la꞉eno sose watowatopi kokalakaluilamenama꞉, wadiyala la꞉ ibino tabo ulihote na꞉papamila꞉hanala꞉. Numa꞉la꞉, iba꞉te du hegela hiliyonomolo la꞉eno tepo ipuwoeno ukui komokomo hidamo ulamelelamenata, mabu Godote tawakalubino komo danagilamelelamemene, ibi ubihinola ebete ba꞉ba tetelo ibino oko kubama꞉ goe. Ba꞉ hibila, keba tetelo iba꞉te ibino oko konomo ipuwalo la꞉godone eta temeteme da꞉lawemena꞉, ba꞉ba tetelo la꞉ ba꞉ atu temeteme ipuwalo kopola꞉nama꞉nemata, ba꞉bema꞉ wadiyala la꞉ la꞉eno ododili ipuwalo kalakala kapiya iba꞉tamo nikalamenakuya꞉la꞉.

Yunapi 13:7

Ba꞉gala eta komo. Dopamo tetelo puya꞉te la꞉eno watowatopima꞉ ba eda꞉ha Godokono tabo la꞉tamo dolamagiminakui, wadiyala la꞉ ibino emede komo nemalagidolala꞉, iyo, kebe hidohido gaote iba꞉godolo dikulihonakui, ba꞉bako atu gaote la꞉godolo kikulihonama꞉, wadiyala la꞉ ibi hibima꞉ midi komodo nibamilateleniya꞉la꞉.