Yunapi 13:16 - Godokono Hido Tabo

¹⁶ Ba꞉gala la꞉le hidohido komo ba ododili la꞉ ipuwalo etate eta kowalubima꞉ ukui hidamo na꞉miya꞉tenakuya꞉la꞉, mabu ba꞉moi ododili komo ba꞉ atumu hawa꞉goeno ilina ikameho komo huiyala, iyo, la꞉le ba꞉mako ododi komodo Godoko ba꞉kalakaluiminakomata.

Godokono Wade Tabo

¹⁶ Ega꞉walo la꞉le wadewade tanalo eba osiyodilolelo la꞉ magumulo idite idi kowalubima꞉ woki wadenomamo nalomonakiyala꞉, mabu me osiyodilole tanalo ebe atumu kalimagono inamabu ikameo tanalo keba kunula꞉ka꞉ eba kunula, iyo, la꞉le mako osiyodilo tanalodo Godoko kalakalakobi ba꞉midinakomata.

Yunapi 13:16 Iomraidhean Croise

Luku 18:22

Ya꞉suti ebeno tabo uliti ebetamo na꞉goiya꞉, “Ama꞉godolo kapiya komote kamodobonaha꞉. Wadiyala komopa꞉te amia꞉no hiliyonomo ilina mana꞉mo uwatehomete ama꞉le ba꞉bi mani komo awaepa꞉tamo na꞉nalabahalama꞉. Ba꞉ba tetelo ama꞉ gala kapete na na꞉ta꞉maheniya꞉, ba꞉bene amia꞉no ilina hiliyonomate Godokono Hunu Habalo konepola꞉nama꞉ne.”

Oelamepino Ododili Komokomo 9:36

Ba꞉bene Yopa habalo Ya꞉suku ta꞉matadawa eta kamena nemedenami, ebeno mahilo Tabitatela, tawakaluba꞉te ba꞉be mahilo Guliki tabamo Dokasima꞉ ka꞉mina, ba꞉moe mahiloeno ipuwa nitana ‘diya-goela.’ Ba꞉moe kamenoeno komo ba꞉ma ka꞉nala, ebete hidohido komo ba ododili awaepa꞉tamo malemale kodawanomoma꞉ eda꞉nami.

Loma 12:13

Ba꞉bene ebeno tawakalubi ipuwalo puya꞉te modoboha꞉ma꞉ deda꞉hana, wadiyala la꞉le ibi nowalubilinakuya꞉la꞉, ba꞉gala kapela tawakalubi atumu ba owalubili baa꞉ ba꞉gala laha haba iba꞉tamo nikalameholenakuya꞉la꞉.

Galesiya 6:10

Ba꞉moe ba꞉be mabuma꞉ keba tetelo a hido tete duminakoma꞉, wadiyala a hido owalubi komo bihatenakoma꞉ hiliyonomo hiya꞉hiya꞉ tawakaluba꞉tamo, iyo, ba꞉be hido ododili komokomo ipuwalo wadiyala ale dopamo hibima꞉ midipi badininipala tawakalubi konomamo bemalagidolenakoma꞉.

Galesiya 6:6

Ba꞉gala eta komo. Kebe lumagiti Hido Taboeno iya꞉tulame komo Godokono eta okodawagodone duwatenako, wadiyala ebete ba꞉be iya꞉tulamedawa ebeno mana꞉mo ba꞉gala komo ilinamo hidamo nowalubinakamene.

Epesese 4:28

Ba꞉gala eta komo. Kebe lumagiti komopino ilina ba꞉gala mani pilolo dopamo duwatenakui, ebete ba꞉bako kuba ododi komo miya꞉pate ebe ha꞉kiya ebeno kokotamo hibi oko na꞉tupuima꞉mene. Ba꞉ hibila, mani oko owati ipuwalo ebe ha꞉kiya ebeno modoboha꞉ komokomo ba modobuilame, gabote ebegodolo kakitanama꞉ne ebete awaepi atumu kakowalubilima꞉.

Pilipai 4:14

Huiyatiya na la꞉tamo kalakala tabo gala na꞉kagoemo, mabu la꞉le naeno temeteme ipuwalo na mana꞉mo dowalubinima ba꞉be komo ba꞉ hido malemale komola.

Pilipai 4:18

Ba꞉ hibila, ba꞉ma tetelo eta modoboha꞉ komo kapiyate nagodolo kitanaha꞉, mabu la꞉le na owalubinima꞉ Epa꞉paladaitasitamo dikamehuima, ebete ba꞉be mani mamo dadahi nale modobolo lawimo. Numa꞉la꞉, la꞉eno malemale ikame komo ba꞉ Godotamo hido nibo pate ilina ikame komo huiyala, iyo, ebete ba꞉bako komo eta lumagigodone kalakalago lawete modoboma꞉ kogoema꞉ne.

1 Tesalonaika 5:15

Ba꞉gala ba꞉moe ba꞉ eta komola. La꞉eno emede ipuwalo etate etatamo kuba dododimini, ba꞉ba tetelo temeteme lawedawate kuba ododidawatamo huiya akikama꞉la꞉, huiyatiya wadiyala la꞉le hiliyonomo tetelo la꞉eno ubi konomamo nihatenakuya꞉la꞉, la꞉ ipuwalo etate etatamo malemale ba hawakalimi komo hiya꞉hiya꞉ tawakalubi hiliyonomatamo atumu hido komokomo kapiya kakododilinama꞉.

2 Tesalonaika 3:13

Ba꞉bema꞉ ekaka꞉la꞉, kalakala konomola, la꞉eno hibima꞉ midi ipuwalo hidohido komo kododilima꞉ heloha꞉ma꞉ akeda꞉hala꞉.

1 Timoti 6:18

Ba꞉gala ama꞉le ibi gala ba꞉ma ka꞉na na꞉kakiyalamiya꞉, wadiyala iba꞉te ibino hido ododili komokomo na꞉dogodoguilama꞉mena꞉, iyo, iba꞉te konomo malemale hawakalimi ipuwalo ubiha꞉ma꞉ akeda꞉hala꞉ komopino modoboha꞉ komokomo komodobuilamelelamema꞉.

Pailimoni 1:6

Ba꞉bene nale Godoko ba꞉ma ka꞉na toemehonakomo, ama꞉la, ala, ale hibima꞉ midi ipuwalo kapiya tawakalubinomoma꞉ deda꞉hanama꞉, ba꞉be komone ale Kelisoko ipuwalo ba emedena kebe hidohido komo Godogodone duwatenakoma꞉, ama꞉le ba꞉bi hiliyonomo komo hidonomamo kiya꞉tawama꞉.

Yunapi 6:10

Iyo, Godoko ba꞉ tawakalubino komo tuputupu gabodo danagilamelelamenako ba꞉be dawala, ba꞉bema꞉ la꞉ dopamo ebe mabuma꞉ oko ba owatina ebeno komo tawakaluba꞉tamo malemale hawakalimi komodo kebe hido komokomo kododilionakuima, ebete ba꞉bi komo dito a꞉kadodola꞉mene. Ba꞉ hibila, la꞉ ba꞉ma tetelo atu hidonomo oko beka-owatinamata,

3 Yone 1:11

Ba꞉bema꞉ naeno hido mabulubi, ama꞉ eta lumagino kuba ododi komo dumimina꞉, ebe akibamita꞉la꞉. Wadiyala ama꞉ hido komote na꞉ta꞉matuya꞉, mabu puya꞉te hidohido komo dododilina ibi ba꞉ Godokono gugudila, huiyatiya puya꞉te kuba komokomo dododilina iba꞉te dopamo Godokono hibi komo kumiya꞉ha꞉.