Yunapi 12:29 - Godokono Hido Tabo

²⁹ mabu aeno Godo ba꞉ pote ebeno koa꞉mo kuba ododilipi hiliyonomo da꞉kubahilamemene ba꞉be Helonomodawala.

Godokono Wade Tabo

²⁹ mabu aimano Godo ebe potele ebeno elamo kuba osiyodilolepi bilibilinomo da꞉kubailaemene ebe Elawodawanomola.

Yunapi 12:29 Iomraidhean Croise

2 Kolini 5:11

Ba꞉bema꞉ numa꞉la꞉, a puya꞉te aeno Kodawoeno hibi okopima꞉ deda꞉hanama꞉, ale ebe toleme gabo ba iya꞉tawaha komopi hiliyonomo ba꞉bema꞉ kiyalamenakoma꞉ iba꞉te ebetamo kohobila꞉halema꞉. Iyo, Godote aeno hibi komo iya꞉tawanomola, huiyatiya na ubila la꞉ la꞉eno tepo ipuwoeno mulu ukui komago aeno komo ba꞉ atumu hidamo niya꞉tawahuya꞉la꞉.

2 Tesalonaika 1:7

huiyatiya ebete la꞉godone ba꞉gala agodone aeno temeteme komo hiliyonomo gobogobamo ba miya꞉te a kapimilo ba꞉bo kogelebadia꞉mema꞉ne. Ba꞉ hibila, ba꞉ba tetelo aeno Kodawa Ya꞉suti ebeno helonomo nopopa꞉go Hunu Habane hawakala da꞉pemene,

2 Tesalonaika 1:8

puya꞉te ebeno Hido Tabamo papamila꞉haheno ba꞉gala Godoko ubiha꞉ma꞉ deda꞉hana, ebete ba꞉bi tawakaluba꞉tamo helonomo powagoeno koa꞉mo huiya ba꞉bo kopikalamema꞉ne.

Yunapi 10:27

Ba꞉be mabuma꞉ ba꞉bako tawakaluba꞉te ko tole ipuwalo ba꞉moe kapiya komo niya꞉tawahamena꞉, Godote kebe Hegelalo tawakalubino komo danagilamelelamemene ba꞉be Hegelate hibinomolo kopema꞉ne, iyo, ba꞉ba tetelo puya꞉te eba꞉go dalaholohona ebete ibi ebeno helonomo koa꞉mo kokubahilamema꞉ne.

Yunapi 10:31

A꞉iye, Helodawa Godote emedena emedena tetelo da꞉ka꞉ka꞉namene, ebete eta lumagi ebeno kuba huiya ikamema꞉ da꞉lawemene, ebeno tole komo bada konomola꞉ka꞉!

2 Pita 3:7

Ba꞉bema꞉ ebete kodakoda tabo ba꞉ma ka꞉na ihatiya꞉, ba꞉ma tetelo da꞉pola꞉na ba꞉moe hopo konomo ba꞉gala alomo iba꞉te ebeno ubi teta꞉mo modobolo kopola꞉nama꞉, ba꞉bene puya꞉te ebetamo papamila꞉ha꞉pima꞉ deda꞉hana, ebete ebeno Kuititi Hegelalo ba꞉bi tawakalubino komo anagilamelelamete ibi ba hawaminadigale ba꞉moe hopo koa꞉mo ba꞉bo kokubahimima꞉ne.