Yunapi 12:28 - Godokono Hido Tabo

²⁸ Ba꞉bema꞉ wadiyala ale aeno kalakala tabo Godotamo kadipatema꞉nema꞉, mabu ebe kebe uli hopolo Ko Gawadubuma꞉ deda꞉na ebete ba꞉be hidonomo hopo atamo kikaa꞉mema꞉ne, hibila, eta dawate ba꞉be hopo kubahimima꞉ a꞉kamodobamene. Ba꞉gala Godokono hiya꞉hiya꞉ owalubi komoma꞉ aeno tepo ipuwalo ba kalakalaha, wadiyala ebete a keba ka꞉na kiya꞉tua꞉mena a ba꞉ ebe ba꞉ba ka꞉na badikuminakoma꞉. Iyo, ebe adikumima꞉ wadiyala ale aeno tepo ipuwalo ebe hunamo ba adipate hido papamiwata ukui komago kopelamema꞉nema꞉,

Godokono Wade Tabo

²⁸ Ebema꞉ modobola ale aimano kalakala tabo Godotamo kadipatemalema꞉, mabu ebe kebe oli opolo Kawo Elawodawama꞉ deda꞉na ebete ebe wade oponomo atamo kikaeaemene, nanitabola, idawate ebe opo kubaima꞉ a꞉ka꞉modobomene. Ega꞉walo Godokono iyaiya walubi tanaloma꞉ aimano tepo magumulo eba kalakalaolo, modobola ebete a keba kunu kiyatuamenale a ebe eba kunu bamamatenakoma꞉. Iyo, ebe amamatema꞉ modobola ale aimano tepo magumulo ebe unamo eba adipatelo wade tuduwata wokino tanalago ka꞉pelaemalema꞉,

Yunapi 12:28 Iomraidhean Croise

Ma꞉tiyu 25:34

“Ba꞉ba tetelo Ko Gawadubuti tu hapu tawakaluba꞉tamo ba꞉ma ka꞉na kogoema꞉ne, ‘Naeno Nabiwiti hidohidopima꞉ da꞉goena, la꞉ ebeno Ko Gawadubu habamo na꞉pa꞉la꞉hala꞉ hidohido komokomo ba꞉bolo kopuwatema꞉. Iyo, ebete hopo haba ododi tetelo la꞉tamo da꞉hiduimiya꞉, la꞉ ba꞉moe uli haba na꞉pelawa꞉la꞉.

Luku 1:33

Ba꞉bema꞉ hibila, Ya꞉ikobokono eyoni gugudi ipuwalo ebete emedena emedena tetelo Ko Gawadubuma꞉ beda꞉namene, iyo, ebeno Ko Gawadubuma꞉ eda꞉ komote a꞉kawibonamene.”

Loma 11:20

Ba꞉bema꞉ nale ba꞉be lumagitamo kohuiyama꞉nemo, “Amia꞉no tabo ba꞉ hibila, huiyatiya hidamo! Ama꞉ Godoko tolemelo ama꞉ ha꞉kiya akawagahala꞉, mabu puya꞉te dopamo hibima꞉ midiha꞉ma꞉ deda꞉hanama꞉ ebete ibi dito iya꞉hiliya꞉, ba꞉bene ama꞉ amia꞉no hibima꞉ midi komo kapiyado ibino habalo la꞉nata.

Epesese 1:6

Ba꞉bema꞉ numa꞉la꞉, ebete poko konomamo demalagidolona ba꞉be Gudugodone ebeno hidonomo malemale komo atamo dito dikaa꞉miya꞉, ba꞉be mabuma꞉ wadiyala ale ebe komilimihoma꞉nema꞉!

Pilipai 4:18

Ba꞉ hibila, ba꞉ma tetelo eta modoboha꞉ komo kapiyate nagodolo kitanaha꞉, mabu la꞉le na owalubinima꞉ Epa꞉paladaitasitamo dikamehuima, ebete ba꞉be mani mamo dadahi nale modobolo lawimo. Numa꞉la꞉, la꞉eno malemale ikame komo ba꞉ Godotamo hido nibo pate ilina ikame komo huiyala, iyo, ebete ba꞉bako komo eta lumagigodone kalakalago lawete modoboma꞉ kogoema꞉ne.

Yunapi 10:19

Ba꞉bema꞉ naeno hibima꞉ midipi ekaka꞉la꞉, ale Godoko adikumima꞉ Ya꞉sukunu hawi ka꞉ka꞉la꞉ komodo ebeno Talonanomo Habamo toleheno kona꞉pa꞉la꞉hama꞉nema꞉.

Yunapi 13:15

Ba꞉bema꞉ wadiyala a hiliyonomo hiya꞉hiya꞉ tetelo Godoko aeno Kodawama꞉ hawakala ba ka꞉mina, Ya꞉suti atamo da꞉hiduimia꞉miya꞉ ba꞉be gabodo ebe ba꞉milimihonakoma꞉, mabu ale ebe milimiho komodo Godote hibi kalakala kolawema꞉ne, ebete dopamo tawakalubino hawa꞉goeno ilina ikameho komodo keba ka꞉na ka꞉lawenakui ba꞉ba ka꞉na.

Yunapi 13:21

wadiyala ebete hiliyonomo hidohido komo la꞉tamo nikalamenakamena꞉ta, la꞉le ebeno heloamo ebeno ubi komamo hibilo kopapamila꞉hanama꞉. Ba꞉gala Ya꞉su Kelisote atamo da꞉hiduimia꞉miya꞉, wadiyala Godote ba꞉be gabodo ebeno hidonomo oko a ipuwalo nowatinamene, mabu ba꞉ ba꞉ba ka꞉na ebe ha꞉kiya ebe ba kalakaluimina Ya꞉sugodolo awagaha komote emedena emedena tetelo nitanamene! Ba꞉moe tabo ba꞉ hibila, ba꞉ba꞉la!

Yunapi 3:6

Huiyatiya genama etedawa Ya꞉sukunu komo hiya꞉la. Ebe ba꞉ genama Namutudawoeno Gudula, ba꞉bema꞉ puya꞉te ebeno genamalo oko dowatina, ebete ba꞉bi okopi hiliyonomoeno Watodawama꞉ eda꞉na, iyo, ebete ba꞉be komodo ebeno Nabiwino ubi komamo hibilo papamiwatanako. Ba꞉bema꞉ ba꞉moe ko komo numa꞉la꞉, keba tetelo a hibima꞉ midipa꞉te aeno hido huiya lawema꞉ uliholo demedehonama꞉ ba꞉gala ale komopino mauba komoma꞉ toleheno kodakodalo da꞉la꞉mota꞉hanama꞉, ba꞉ba tetelo a ba꞉ Godokono hido genamama꞉ beda꞉hanama꞉.

Yunapi 4:16

Ba꞉moe ba꞉be mabuma꞉ wadiyala ale Godokono Ko Gawadubu luta baha꞉mo toleheno konikulima꞉nema꞉ aeno kuba ododili mabuma꞉ ebeno malemale ale ba꞉bo konelawema꞉. Iyo, hibila, a ha꞉kiya a owalubima꞉ modoboha꞉ma꞉ ba eda꞉hana, huiyatiya ebeno malemale komote modobolo itana aeno kuba ododili komokomo hiliyonomo kegebolea꞉mema꞉.

Yunapi 5:7

Numa꞉la꞉, Ya꞉suti hopo habalo ba emedena ebe iya꞉tawuya꞉ Godokono helo modobola hoe temeteme ipuwalo ebeno ka꞉ka꞉ komula꞉mema꞉, ba꞉bema꞉ ebete ihi baida꞉go ebeno tabo madodo hunamo adipatelo Godoko ba꞉bo toemehuya꞉. Ba꞉ba tetelo Godote ebeno toetoe tabo uliti ebe hibilo owalubiya꞉, mabu Ya꞉sukunu emede ipuwalo ebete ubi bihatenami ebe ha꞉kiya ebe hopamo ba ihate huiyatiya ebeno Nabiwi hunamo kadipatema꞉.

1 Pita 1:17

Numa꞉la꞉, Godote kapiya tuputupunomo gabodo hiliyonomo hopo habanapino komokomo kanagilamelelamema꞉ne, iyo, ebe ba꞉ hido huiya ba꞉gala kuba huiya iba꞉tamo modobolo dikalamemene ba꞉be Kodawala, ba꞉gala hibila, la꞉le ebetamo da꞉toetoehonakoma ebe la꞉eno Nabiwima꞉ ka꞉minakomata. Ba꞉be mabuma꞉ wadiyala la꞉ ba꞉moe hopolo kapelapimo ba emedehona, la꞉eno ododili ipuwalo ebe tolemelo ebe kapiyatamo na꞉papamila꞉hanakuya꞉la꞉,

1 Pita 2:20

Huiyatiya ama꞉ oko kubamo owati ipuwalo namutudawate hiya꞉hiya꞉ temeteme ama꞉tamo dikamehomena꞉, ba꞉ba tetelo ama꞉ amia꞉no tepo kodakoduimilo ko komoha꞉ma꞉ da꞉goemena꞉, ba꞉be mabuma꞉ Godote ama꞉tamo ba꞉ka꞉kalakalamene? Ao, ebeno kalakalate a꞉kitanamene mabu ama꞉ ba꞉ kuba okodawalata, huiyatiya keba tetelo ama꞉ hido oko owati ipuwalo temeteme da꞉lawemena꞉, ba꞉ba tetelo ebeno kalakalate ama꞉tamo hibilo kitanama꞉ne.

1 Pita 2:5

Numa꞉la꞉, ebeno ka꞉ka꞉te la꞉ ipuwalo atumu ba꞉ka-itana, ba꞉bema꞉ wadiyala la꞉ pelamete la꞉ ha꞉kiya la꞉ Godotamo na꞉pikamehala꞉, la꞉le ebe adikumino genamoeno hidohido kehama꞉ keda꞉hanama꞉. Ba꞉bene la꞉ ba꞉be genama gulu ebe ba owatidolona ebeno Gobogoboeno talona oko owati komodo malemale ilina ebetamo ikamehopima꞉ beda꞉hanamata, ba꞉bema꞉ la꞉le Ya꞉su Kelisoko ipuwado ebetamo dikamehonakoma, ebete kalakalago la꞉godone buwatenakomene.

Awokalilame Tanalo 1:6

ebeno Ko Gawadubu habanapima꞉ a꞉midiya꞉, ale emedena tetelo ebeno Nabiwi Godokono oko kowatinama꞉. Ba꞉bema꞉ wadiyala konomo awagaha komo ba꞉gala konomo helo komote Ya꞉su Kelisogodolo emedena emedena tetelo na꞉pola꞉namena꞉! Ba꞉moe tabo hibinomola, ba꞉ba꞉la!

Awokalilame Tanalo 15:4

“O Kodawa, ama꞉ kapiyate Hido-talona Dawama꞉ eda꞉nata, ba꞉bema꞉ hiliyonomo tawakaluba꞉te ama꞉ tolemelo amia꞉no mahilo hunamo badipatenakomena꞉! Iyo, amia꞉no tuputupu ododili komo hopo habanapa꞉tamo a꞉hawakalilamiya꞉ta, ba꞉bema꞉ hiya꞉hiya꞉ hoponapi hiliyonomate ama꞉ adikumima꞉ kopelameholema꞉na꞉!”

Awokalilame Tanalo 5:10

ibi Ko Gawadubu Godokono habanapima꞉ a꞉midiliya꞉ta, iba꞉te emedena tetelo ebeno oko kowatinama꞉. Iyo, ba꞉be mabuma꞉ hopo haba konomolo komo tawakalubi hiliyonomate iba꞉tamo ba꞉papamila꞉halenakomena꞉.”