Yunapi 1:8 - Godokono Hido Tabo

⁸ Huiyatiya Godote ebeno Guduino komoma꞉ ebetamo na꞉goiya꞉, “Ama꞉ hibi Godoma꞉ ba eda꞉na, amia꞉no Ko Gawadubu komote emedena emedena tetelo bitanamene. Ba꞉bema꞉ ama꞉le amia꞉no tawakalubino komo tuputupu ukui kapiyamo banagilamelelamenakomena꞉ta,

Godokono Wade Tabo

⁸ Wiyasiya Godote ebeno Guduno tanaloma꞉ ebetamo negiya, “A꞉ma꞉ nani Godoma꞉ eba eda꞉nalo, a꞉imano Kawo Elawodawano tanalote uwomua꞉ uwomua꞉ tetelo bitanamene. Ebema꞉ a꞉ma꞉le a꞉imano epono tanalo tuputupu woki kapiyamo banagilamelelamenakoma꞉ta,

Yunapi 1:8 Iomraidhean Croise

Ma꞉tiyu 1:23

“Bohelete lamituma꞉ eda꞉te dubu gudu kalahimima꞉ne, ba꞉bene iba꞉te ebeno mahilo Ima꞉nuwelama꞉ koka꞉mima꞉na꞉.” Buka ka꞉lamiholedawa, wadiyala ama꞉ niya꞉tawa ba꞉moe Ima꞉nuwela mahiloeno ipuwa nitana ‘Godote ago bemedena.’

Luku 1:75

Iyo, ale ebeno holoholo hapulu talona tawakalubima꞉ ba eda꞉hana, ale emedena tetelo ebeno tuputupu gabodo ba꞉wapata꞉lamenama꞉.”

Yone 10:30

Nabiwi Godoko ba꞉gala na, a ba꞉ kapiyanomola.”

Yone 10:33

Iba꞉te na꞉huiyuya꞉, “Ale amia꞉no eta hido ododi mabuma꞉ ama꞉ mapemema꞉ kewagelitaha꞉. Ao, mabu bitana, ama꞉ hopo haba dubuma꞉ ba eda꞉na huiyatiya ama꞉le na꞉gaa꞉ta, ama꞉ ba꞉gala Godoko, la꞉ ba꞉ kapiyala! Godokono holoholo hapulu ba꞉mako tabo kubanomola!”

Yone 20:28

Tomasiti ebeno tabo ba huiyana na꞉goeniya꞉, “Ama꞉ naeno Kodawalata! Ama꞉ ba꞉ naeno Godolata!”

Loma 9:5

Ba꞉bene A꞉ibalahamako ba꞉gala komo koko iniwa nabi, Yunapi ba꞉ ba꞉bi dubuino eyoni gugudila, ba꞉gala kalakala konomola, Kelisote ibi ipuwane hopo lumagino apa꞉mo pehawakaluya꞉. Ba꞉ hibila, Kelisoko ba꞉ Godotela! Iyo, ebeno helo komote komopi hiliyonomoeno helo komokomo na꞉gogolena, ba꞉bema꞉ wadiyala tawakaluba꞉te emedena emedena tetelo ebe na꞉milimiho-nakamena꞉! Ba꞉ba꞉la!

1 Timoti 3:16

Ba꞉bema꞉ hibila, a hibima꞉ midipa꞉te Godokono ubi gabodo ebe keba ka꞉na da꞉ta꞉matanama꞉, ba꞉be komoeno ipuwa bada konomola꞉ka꞉! Aeno Kodawate ba꞉moe hopo habalo lumagino apa꞉mo a꞉hawakaluya꞉, ba꞉bene ebeno tuputupu emede komo kohawakalimima꞉, ebete ebeno Gobogoboeno heloamo hoe ipuwane mahigate, Godokono nopopa꞉te ebe wiboha꞉ ka꞉ka꞉go ba꞉bo umiya꞉. Ba꞉gala ebe ta꞉matapa꞉te ebeno komo hopo haba konomolo a꞉hawakalimiya꞉, ba꞉bene hiliyonomo tawakaluba꞉te ebe hibima꞉ ba midi, ebete Godokono Hunu Habamo ba꞉bo odoluya꞉, ebeno holoholo hapulu konomo alo ipuwalo konemedenama꞉.

2 Pita 1:11

Iyo, ba꞉moe ba꞉be gabodo Godote la꞉tamo gigiho ka꞉hiya꞉midalamema꞉na꞉ta, la꞉le aeno Ka꞉ka꞉ Mula꞉lea꞉medawoeno kalakala emede habamo kona꞉pa꞉la꞉hama꞉, ba꞉be Kodawa ba꞉ Ya꞉su Kelisotela ba꞉gala ebeno Ko Gawadubuma꞉ eda꞉ komote emedena emedena tetelo bitanamene.

1 Yone 5:20

Ba꞉gala a eta komo iya꞉tawahala, Godokono Guduti ba꞉moe hopamo da꞉piya꞉, ebete atamo hido mulu komo a꞉pikaa꞉miya꞉ ale Hibidawoeno komo hidamo kiya꞉tawahanama꞉. Numa꞉la꞉, ba꞉be Hibidawa ba꞉ Godotela, ebe ba꞉ Wiboha꞉ Ka꞉ka꞉la, ba꞉bema꞉ kalakala konomola, ale ebeno Gudu Ya꞉su Kelisoko ipuwalo bemedehonama꞉!