Yuda 1:6 - KNTP

⁶ Ne bamalaika babujile kulama bukulumpe bwabo, kabiji bashiile bifulo byabo byo baikajilengapo bene, wibalama mu mfungwa ya myaka mu mfishi, na kupembelela kije kya aja juba jikatampe.

Yuda 1:6 Iomraidhean Croise

Mateo 10:15

Kine nemwambila namba, mu juba ja kije bya malwa bya kyalo kya Sodoma ne Gomola bikakepako kechi bikesakana na bya yewa muzhi ne!”

Mateo 25:41

Ponkapo ukebambila abo ba ku kipiko kyanji amba, ‘Fumaiko kwi amiwa, anweba mwafingwa, yainga mu mujilo wa myaka ye banengezhezha Diabola ne bamalaika banji!

Mateo 8:29

Ponkapo, babijikile amba, “Ikika kyo tusakuuba nenu, anweba Mwana Lesa? Mwaiya kuno na kwitumanyika kimye kasa kikyangye kufika nyi?”

Yoano 8:44

Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

Loma 2:5

Nanchi monka mwayila kukosa kobe ne muchima wobe ubula kulapila, ubena kwitujila obewa mwine bukaji bwa mu juba ja bukaji ne ja lumwekesho lwa bunchiba mambo bwaoloka bwa Lesa.

Efisesa 6:12

Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

Bahebelu 10:27

Poso luketekelo luleeta moyo wa kuchiina luzhachisho, ne mujilo wakatazha ukebaja balwanyi.

2 Petelo 2:4

Mambo umvwe Lesa wabujile kwibaleka bamalaika byo balengele mambo, bino wibatayile mu Tatalusa, ne kwibabika mu bimbo bya mfishi, na ku pepembelela kije.

2 Petelo 2:9

Aye Nkambo wayuka bya kwibapokolola banemeka Lesa mu lweseko, ne kwibalama babula koloka mu lukabisho, kupembela juba ja kije,

Yuda 1:13

O manyaki akaji a kalunga auba ne kapofu ka bumvu bwabo, to tubangabanga tupitang'ana to balamina kufiita kwa mfishi ya myaka ne myaka.

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.

Lumwekesho 20:2

Ponkapo wakwachile nsung'unyi, awa mulolo wa kala, ye Diabola ne Satana, ne kumukasa wamukashile myaka 1,000.