Yuda 1:4 - KNTP

⁴ Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Yuda 1:4 Iomraidhean Croise

Mateo 13:25

Kabiji bantu byo balaajile, mulwanyi wanji waishile, wakushilemo bincha mu kajo, kabiji wafumineko.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Byubilo 11:23

Aye pakufikako ne kumona bupe bwa Lesa, wasekejile kabiji wibatundaikile bonse amba, balamachile kwi Nkambo na michima yabo yonse.

Byubilo 15:24

Byotwaumvwa amba, bamo bafumine mwi atweba bemukatazha na byambo bya kuzhingichisha michima yenu, botwabujile kulaya atweba.

Ngalatiya 2:4

bino kwajinga bamo basakile amba kyafwainwe kubiwa, balongo ba bubela batwelele kumbaji bonka befwanyikizhatu nobe balongo betu mwi Nkambo, mambo a kusakatu kumona byotwaikala mu bwana bwa bene botuji naabo mwi Kilishitu Yesu amba, betutwale mu buzha.

Ngalatiya 5:13

Anweba bakwetu, mo mu bwana bwa bene mo mwaichilwa. Bino bwana bwa bene bwenu kechi bwikale ke bwa kubilamo bya buntunshi ne. Poso mu butemwe, mwikale ba kwiingijila anweba bene na bene.

Efisesa 4:14

Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

1 Timoti 5:8

Kabiji umvwe muntu wabula kwibamwena balongo banji byafwainwa, kine ne bamunzubo yanji mwine bobene, wilukaana kala lwitabilo, wakila wabula kwitabila mukutama.

2 Timoti 2:12

Umvwe twakosela mu bya malwa, tukekala nanji mu bufumu pamo. Umvwe twamukana, ne aye naye usa kuketukana;

2 Timoti 3:6

Mambo mwi abo muji bamo bongolokela mu mazubo, ne kwibabombola banabakazhi banekena, banemenwa na bya bundengamambo bwabo, batwalwatwalwa ku bya kusakasaka kwabo kwa misango ne misango.

1 Petelo 2:16

Ikalai nobe baana ba bene, kechi mwalule bwana bwa bene bwenu ke kintu kya kubilamo bubi ne, poso mwikale bakalume ba Lesa.

1 Petelo 2:8

Kabiji kinembelo kikwabo kyaamba amba, “Jibwe ja kwituntulako ne mukunko wa kwibaponeshako.” Betuntula mambo a kulengulula mafunjisho byonka byo kibatongwejilwe.

1 Petelo 4:18

Kabiji umvwe, “Kyakatazha pa kupuluka waoloka pakuba wabula kwakamwa Lesa ne ndengamambo ukekala ke wa byepi?”

2 Petelo 2:10

pakuba bene bakilaamo bonkaba balondalonda bya buntunshi mu bya lwiso bya bubipisho, ne kusuula ba luusa. Bachinchika ne kulondela monka mwayila bya butunshi byo basaka, nangwa kuchiina pa kwibanena bya mwenga ba lukumo ne.

2 Petelo 2:7

Kabiji wamupokolwele Lota waoloka, byo aubishe bulanda na mambo a bwikalo bwa bunya bwa babi.

2 Petelo 3:7

Pakuba bya mwiulu bya katataka ne ntanda, byalaminwa mujilo ku jiwi jimo jonka, kupembela juba ja kije ne ja lonaiko lwa bantu babula kwakamwa Lesa.

1 Yoano 2:22

Nanchi wa bubela ye ng'anyi? Kana bonkaba bakana amba Yesu kechi ye Kilishitu ne. Bano bo ba anti kilishitu, bonkaba bakana Taata ne Mwana.

Yuda 1:15

mu kwibachibila mambo bonse, ne kwibazhachisha babula kwakamwa Lesa bonse na mambo a mingilo yabo yonse ya kubula kwakamwa Lesa, yo baingila mu kubula kwakamwa Lesa, ne na byambo byonse byakosa byo bamwambila bandengamambo babula kwakamwa Lesa.”

Yuda 1:18

Byo bemwambijile amba, “Mu moba akapelaako kukekala ba mwenga, kasa balonda monka mu bya lwiso lwabo bya kubula kwakamwa Lesa.”

Lumwekesho 15:4

Nkambo, ng'anyi ukabula kwakamwa ne kutumbijika jizhina jenu? Mambo anweba yenu yenka Wazhila! Mambo mikoka yonse ya bantu ikeya na kupopwela ku meso enu, mambo byubilo byenu byaoloka byamweka.”