Yuda 1:24 - KNTP

²⁴ Pano kwi aye wakonsha kwimulama ne kwimukanya kwituntula, ne kwimwikazha monka mu kyenyi kya lukumo lwanji, kwa kubula bulema, monka mu lusekelo lukatampe.

Yuda 1:24 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Mateo 19:28

Kumvwa Yesu wibambijile amba, “Kine nemwambila namba, anweba ba kundondela, mu ntanda ipya byo akekala Mwana Muntu pa jitanda janji ja lukumo, ne anweba mukekala pa bipona jikumi na bibiji, na kwiichibila mambo mikoka jikumi na ibiji ya bena Isalela.

Mateo 25:31

“Mwana Muntu byo akeya mu lukumo lwanji, na bamalaika bonse pamo, ukekala pa jitanda janji ja lukumo,

Mateo 5:12

Sekelai ne kusangalala, mambo mfweto yenu yo ikatampe mwiulu, mambo byo byo bebapachilenga ne bangauzhi ba batangijilepo kala.”

Luka 9:26

Mambo yense ukangubila bumvu amiwa ne mambo ami, aye naye Mwana Muntu ukamubila bumvu byo akeya mu lukumo lwanji ne mu lukumo lwa Shanji ne lwa bamalaika bazhila.

Loma 14:4

Obewa yobe ng'anyi byo uzhachisha wamwingilo wa ungi? O mambo a Nkambo yanji mwine nangwa waimana, nangwa wapona. Kine, ukemikwa; mambo aye Nkambo uji na bulume bwa kumwimika.

Loma 8:31

Pano tusa kwamba amba ka, na mambo a bino bintu? Umvwe Lesa uji ne atweba, ng'anyi uketwimena?

2 kolinda 11:2

Mambo amiwa nemumvwina mukao, ye mukao wa bwina Lesa, mambo nemwitabila mulume umo yenkaye Kilishitu, namba nkemufikizhe kwi aye bumuzhike bwawama.

2 kolinda 4:14

Kasa twayuka namba awa wasangwile Nkambo Yesu uketusangula ne atweba pamo ne Yesu, kabiji uketufikizha pamo ne anweba mu kyenyi kyanji.

2 kolinda 4:17

Mambo malwa etu apeela, a kakimye kamotu, abena kwitwingijila lukumo lwakijishatu kunema, lwa myaka.

Efisesa 3:20

Pano kwi aye wakonsha kuuba byakijishatu byonse byo tulomba nangwa byo tulanguluka, monka mwayila bulume bwingila mwi atweba,

Efisesa 5:27

amba epeekyo aye mwine ke kipwilo kya lukumo, kyabula jintomya nangwa jimfunye, nangwa kikwabotu kya byonkabyo ne, poso amba kikale kyazhila kyabula bulema.

Kolose 1:22

Pakuba pano Aye Lesa wimupwanya na lufu lwa mu mubiji wa bumuntu bwa Mwananji, mu kukemumwesha ku meso anji kasa mwazhila, babula bulema ne babula mambo.

Kolose 1:28

Byonkabyo tusapwila mambo a Kilishitu, kasa tufunda bantu bonse mu maana onse. Namba tufikizhe bantu bonse kasa balumbuluka mwi Kilishitu.

Kolose 3:4

Kilishitu, aye bumi bwetu byo akamweka, ponkapo ne anweba mukamweka nanji mu lukumo.

2 Timoti 4:18

Aye Nkambo ukampokolola ku mingilo yonse yatama, kabiji ukapulusha ne kumfikizha ku bufumu bwanji bwa mwiulu. Kwi aye kwikale lukumo myaka ne myaka. Amena.

Yakoba 2:10

Mambo awa ulama mizhilo yonse ne kuzhilululapo umo, wazhilulula yonse.

1 Petelo 4:13

Pakuba sekelai byomubena kushilang'ana nanji bya kumanama Kilishitu, namba mukasekele ponka pa lumwekesho lwa lukumo lwanji.

2 Petelo 1:10

Onkao mambo balongo bami, teshaikotu muchima namba, kwitwa kwenu ne kusalululwa kwenu kwikale ke kwa kine, mambo umvwe mwauba bino bintu, kechi muketuntula ne.

Yuda 1:21

ne kwilama monka mu butemwe bwa Lesa, byo mubena kutengela lusa lwa Nkambo yetu Yesu Kilishitu bwa kwimupa bumi bwa myaka.

Lumwekesho 14:5

Kabiji mutunwa twabo kechi mwajinga bubela ne, kechi bajipo na kibi mwi abo ne.