Yuda 1:21 - KNTP

²¹ ne kwilama monka mu butemwe bwa Lesa, byo mubena kutengela lusa lwa Nkambo yetu Yesu Kilishitu bwa kwimupa bumi bwa myaka.

Yuda 1:21 Iomraidhean Croise

Yoano 1:17

Mambo Mizhilo yapainwe mwi Mosesa, bino bupe ne bukine bwaishile mwi Yesu Kilishitu.

Yoano 14:21

“Awa uji na mikambizho yami ne kwiilama ye wantemwa, ne awa wantemwa ye bakatemwa kwi bataata, ne amiwa nkamutemwa, ne kwimwesha amiwa mwine kwi aye.”

Byubilo 11:23

Aye pakufikako ne kumona bupe bwa Lesa, wasekejile kabiji wibatundaikile bonse amba, balamachile kwi Nkambo na michima yabo yonse.

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

Loma 5:5

Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.

Loma 6:23

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

Loma 8:39

nangwa bula bwa mwiulu, nangwa kuzhika kwa panshi, nangwa kilengwa kingi, nangwa kya byepi, nangwa kya byepi, kechi bikakonsha kwitwabanya na butemwe bwa Lesa mwi Kilishitu Yesu Nkambo yetu ne.

2 kolinda 13:14

Bupe bwa Nkambo Yesu Kilishitu, ne butemwe bwa Lesa, ne lumvwang'ano lwa Mupashi wa Lesa Wazhila, bikale ne anweba bonse.

2 Tesalonika 3:5

Pano aye Nkambo atangijile michima yenu mwayila butemwe bwa Lesa ne butekanye bufuma kwi Kilishitu.

1 Timoti 1:2

Kwi Timoti, mwanami wa kine mu lwitabilo. Bupe, ne lusa, ne mutende, bifuma kwi Lesa Taata ne kwi Kilishitu Yesu, Nkambo yetu, bikale ne obewa.

2 Timoti 1:16

Aye Nkambo ebobile lusa ba munzubo ya Onesifolusa, mambo aye wangikizhenga muchima javula, ne kumuubila bumvu munyololo wami ne.

2 Timoti 1:18

Aye Nkambo amupe kya kumona lusa mu aja juba! Kabiji ne obewa mwine wayukisha bulongo aya mingilo yavula yo ankwashishenga amiwa ku Efisesa.

2 Timoti 1:2

Kwi Timoti, mwanami ye natemwa. Bupe ne lusa, ne mutende, bifuma kwi Lesa Taata ne Kilishitu Yesu Nkambo yetu, bikale ne obewa.

2 Timoti 4:8

Pano bantujila kala munchinya wa bololoke, yeakampa mu joja juba aye Nkambo, mutonyi waoloka, kabiji kechi amiwa yenkatu ne, pakuba ne bonse batemwa kumweka kwanji.

Bahebelu 9:28

Byonkabyo Kilishitu naye walambwilwe jimo jonka mu kusenda mambo a bavula. Ukamweka jibiji kechi na mambo a bundengamambo ne, poso na kuleeta lupulukilo kuboba babena kumutengela.

2 Petelo 3:12

byo mwikutengela ne kwikusakisha kwiya kwa juba ja Lesa, monka mukasungulukila bya mwiulu kasa bipya na mujilo, ne bijimo bikasunguluka na kyuya.

1 Yoano 4:16

Kabiji atweba twayuka ne kwitaba butemwe bo etutemwa Lesa. Lesa ye butemwe, ne aye waikala mu butemwe ye waikala mwi Lesa, ne Lesa waikala mwi aye.

1 Yoano 5:18

Twayuka namba kafwako wasemwa kwi Lesa utwajijilatu na kulenga mambo ne, mambo aye wasemwa kwi Lesa bamulama, ne aye mubi kechi umuba kintu ne.

1 Yoano 5:21

Anweba twana ilamai ku bankishi!

Yuda 1:1

Yuda, kalume wa Yesu Kilishitu, mulongo wanji Yakoba. Kwi abo baitwa, batemwe ba mwi Lesa Taata, balaminwa Yesu Kilishitu.

Yuda 1:22

Kabiji kasa mwibobila lusa aba bazhinauka,

Yuda 1:24

Pano kwi aye wakonsha kwimulama ne kwimukanya kwituntula, ne kwimwikazha monka mu kyenyi kya lukumo lwanji, kwa kubula bulema, monka mu lusekelo lukatampe.

Lumwekesho 12:11

Kabiji bamushinjile na mambo a mashi a Mwana Mukooko, ne na mambo a byambo bya kushimuna kwabo, kabiji kechi batemenwe myeo yabo amba twakafwa ne.