Yuda 1:20 - KNTP

²⁰ Pakuba anweba batemwe, kasa mwikomesha anweba bene mu lwitabilo lwenu lwazhila. Ne kulomba na Mupashi Wazhila,

Yuda 1:20 Iomraidhean Croise

Byubilo 15:9

Kabiji kechi witupusenye atweba ne abo ne, pa kutokesha michima yabo ku lwitabilo.

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Byubilo 6:7

Kabiji mambo a Lesa ananukilenga, ne baana babwanga bayilenga na kuvujilako bingi mu Yelusalema, kabiji ne jibumba jikatampe ja bang'anga jakookejile lwitabilo.

Byubilo 9:31

Kabiji byonkabyo kipwilo kya monse mu Yudea ne mu Ngalilea ne mu Samaliya kyamwene mutende, ne kukoma kyakomene, ne kwenda na kwakamwa Nkambo, ne mu bukwasho bwa Mupashi Wazhila, kasa kiya na kubaya.

Loma 15:2

Kana atweba bonse pa muntu pa muntu tutokeshe mukwetu pa muchina ne kumubila byawama bya kumukomesha.

Loma 8:15

Mambo kechi mwatambwile Mupashi wa buzha amba mube moyo ne; bino mwatambwile Mupashi wa bwana bwa bene, motutaachila amba, “Abba, Taata!”

1 Kolinda 1:8

Ye ukemukosesha kufika ne kumpelo, amba mukekale ba kubula mambo mu juba ja Nkambo yetu Yesu Kilishitu.

1 Kolinda 10:23

“Bintu byonse byabula kuzhila kwi amiwa,” Bino kechi byonse biji na bukwasho ne. “Bintu byonse byabula kuzhila,” Bino kechi byonse bikomesha ne.

1 Kolinda 14:15

Nanchi ngube byepi? Nkalomba na mupashi, bino nkalomba na maana, nkemba na mupashi, bino nkemba na maana.

1 Kolinda 14:26

Balongo bami, nanchi tusa kwamba amba ka? Byo mupwila pamo, umo uji na lwimbo, mukwabo uji na lufunjisho, ne mukwabo uji na lumwekesho, mukwabo naye wamba mu njimi, kabiji mukwabo uji na kya kulumbulula byambo. Byonse byubiwe mu kwikomesha.

Ngalatiya 4:6

Kabiji byo muji baana, Lesa watuma Mupashi wa Mwananji mu michima yenu, kasa eeta amba, Abba, Taata.

Efisesa 4:12

Na mambo a kwibanengezha bazhijikwa amba bekale ba kwingila mwingilo, wa kukomesha mubiji wa Kilishitu.

Efisesa 4:16

Mwi aye mubiji yense, wanungankana pamo ne kusambakana ke umo konka ku abya bipaana manungi onse. Pa kwingila bulongo byonse pa kintu pa kintu, mubiji wikomesha mwine monka mu butemwe.

Efisesa 4:29

Kechi muleke byambo byatama bifume mu kanwa kenu nangwa kimo ne, kana byonka byawama bibakomesha bantu, bibafwainwa mu kyonkakyo kimye, amba bibaleetele bibusa abo bebyumvwa.

Efisesa 6:18

Kasa mulomba mu bimye byonse na lulombelo lonse ne misashijilo monka mwi aye Mupashi, ne kwilutong'amina na mukoyo mukatampe ne misashijilo ya kwibalombelela bazhijikwa bonse.

Kolose 2:7

Kasa mwatabilamo ne kushimikwa monka mwi Aye, ne kukoselamo mu lwitabilo lwenu, monka mo bemufunjishishe. Kasa muvuzha kusanta.

Tesalonika 5:11

Onkao mambo ikoseshainga anweba bene na bene ne kwikomesha anweba bene na bene monka momubiila.

1 Timoti 1:4

Nangwa kutaako muchima ku bishimi ne ku bya kulondolola bisemi bibula kupela ne, byo bileeta bya kwipuzhaipuzha, kechi bingila bukalama bwa Lesa bwa mu lwitabilo ne.

2 Timoti 1:5

Navuluka mambo a lwitabilo lwa kine luji mwi obewa, lonkalwa lwajinga patanshi mwi nkambo yobe Loisa, ne mwi inobe Yunisa. Kabiji nayukishatu namba, luji ne mwi obewa pamo.

Titusa 1:1

Paulo, kalume wa Lesa, kabiji mutumwa wa Yesu Kilishitu. Nasalulwilwe monka mwayila lwitabilo lwa basalululwa ba Lesa, mu kwibayukisha bukine, mwayila munema wa kunemeka Lesa,

Yakoba 2:22

Mwamona lwitabilo byo lwaingijilenga na mingilo yanji, ne monka mu mingilo lwitabilo lwalumbulukile.

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.

1 Yoano 5:4

mambo bonse basemwa kwi Lesa bashiinda panopantanda. Kabiji lushinjilo lwashiinda panopantanda, lo lwitabilo lwetu.

Yuda 1:3

Anweba batemwe, nangwa natesheshekotu muchima kwimunembela na mambo a lupulukilo lwetu atweba bonse, nekimwene namba kyamfwainwa kwimunembela byambo bya kwimutundaika namba, mwibilwile na muchima yense abya byonse bya lwitabilo byo apaine Lesa ku bazhijikwa banji.

Lumwekesho 13:10

Inge umo ye wa kuya mu buzha, mu buzha i mo moakaya, umvwe muntu ye wa kwipayiwa na mpoko, ku mpoko koko akepayiwa. Onkao mambo bazhijikwa bafwainwa kukosa mu lwitabilo ne kutekanya mu bya mwalwa.