Yuda 1:18 - KNTP

¹⁸ Byo bemwambijile amba, “Mu moba akapelaako kukekala ba mwenga, kasa balonda monka mu bya lwiso lwabo bya kubula kwakamwa Lesa.”

Yuda 1:18 Iomraidhean Croise

Byubilo 20:29

Amiwa nayuka namba, pa kufumako amiwa misuka ikaji ikatwela mwi anweba, kechi ikaleka jitanga ne.

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

2 Timoti 4:3

Mambo kimye kikeya kyo bakabula kuswa mafunjisho alumbuluka, bino byo baji na matwi ababana, bakavuzha bafunjishi babo abo bene monka mwayila bya kusakasaka byabo.

2 Petelo 2:1

Bino kwamwekele ne bangauzhi ba bubela mu bantu, pamo ne mwi anweba namo mukekala bafunjishi ba bubela, bo bakatwezhamo kumbaji mafunjisho angi a lonaiko, kasa bakana ne aye Nkambo wibapotele, ne kwiletela abo bene lonaiko bukiji.

2 Petelo 2:10

pakuba bene bakilaamo bonkaba balondalonda bya buntunshi mu bya lwiso bya bubipisho, ne kusuula ba luusa. Bachinchika ne kulondela monka mwayila bya butunshi byo basaka, nangwa kuchiina pa kwibanena bya mwenga ba lukumo ne.

2 Petelo 3:3

Patanshi kasa muyuka kino amba, mu moba akapelaako ba mwenga bakeya na myendeleko, kasa balondela bya lwiso lwabo

Yuda 1:16

Bano bo bantu banyinyita, ne kutamauka, kasa balondela monka mu bya lwiso lwabo, ne tunwa twabo kasa twamba byambo bikatampe bya kwitota, ne kwamba bya mulambisha ku bantu amba bamwenemo.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.