Yoano 9:16 - KNTP

¹⁶ Kepo bamo Bafaliseo ba ambile amba, “Nanchi awo muntu kechi wa kwa Lesa ne, mambo kechi ulama Sabado ne. Kumvwa bakwabo amba, nanchi muntu ndengamambo akonshe byepi kuuba biyukilo biji bibye?” Ponkapo mwi abo mwabuukile lwabano.

Yoano 9:16 Iomraidhean Croise

Mateo 12:10

kabiji mwajinga muntu wa kuboko kwapapa. Ne abo bamwipwizhe amba, “Kyawama kubuka muntu mu juba ja Sabado nyi?” Amba bamone mwa kumushiina.

Mateo 12:2

Pakuba Bafaliseo pa kwikimona, ba mwambijile amba, “Talai, baana benu babwanga babena kuuba kyazhila mu juba ja Sabado.”

Luka 13:14

Bino mukulumpe wa shinagoga wazhingijile mambo Yesu wabukile muntu mu juba ja Sabado, ne kwamba wiambijile mabumba amba, “Kuji moba atanu na jimo obafwainwa bantu kwingijilamo. Samwiya mu onka a moba amba betubuke, kechi mu juba ja Sabado ne.”

Yoano 10:19

Ponkapo mu Bayudea mwabuukile lwabano jibiji na mambo a bino byambo.

Yoano 14:11

Ngitabilai byo nji mwi bataata, ne Bataata byo baji mwi amiwa, nangwa ngitabilai na mambo a mingilo yonka.

Yoano 15:24

Inge kechi naubile mwi abo mingilo ibula kuubapo mukwabo ne, inge kechi baji na mambo ne, pakuba pano amiwa ne bataata betumona ne kwitushikwa.

Yoano 2:11

Ino ntendekelo ya biyukilo byanji Yesu wiyubile mu Kena wa mu Ngalilea, ne kumwesha lukumo lwanji, kepo baana banji babwanga bamwitabijile.

Yoano 3:2

Uno waishile kwi Yesu bufuku, ne kumwambila amba, “Laabi, twayuka naamba mwi mufunjishi wafuma kwi Lesa. Mambo kafwako wakonsha kuuba bino biyukilo byo muuba anweba ne, poso Lesa uji nanji.”

Yoano 5:10

Kepo Bayudea ba ambijile yewa ye babukile amba, “Lelo jo ja Sabado, kizhila kushikula mwanya wenu.”

Yoano 5:36

Pakuba lushimuno lwami lonji nalo amiwa lwakila lwa kwa Yoano, mambo mingilo yo bampele Bataata amba wiipwishe, yonkaya mingilo yo mbena kuuba amiwa yo inshimuna amba, Shanji wamutuma.

Yoano 6:52

Ponkapo abo Bayudea bapachikilenga bene na bene amba, “Nanchi uno, wakonsha byepi kwitupa mubiji wanji amba tuje?”

Yoano 7:12

Kabiji mu mabumba mwajinga kunyinyita kwavula kwa kumunyinyita aye, bamo ba ambilenga amba, “Ye muntu wawama.” Kabiji bakwabo nabo amba, “Ubepaikatu bantu.”

Yoano 7:23

Nanchi inge muntu utambula kisela kya mukanda mu juba ja Sabado kuchiina amba, muzhilo wa Mosesa wakazhilululwa, anweba mwanzhingijila ka amiwa byo namubukile muntu ke mutuntulu mu juba ja Sabado?

Yoano 7:43

Kepo kwabukile lupata mu jibumba na mambo a aye.

Yoano 9:24

Ponkapo abo bamwichile jibiji awa wajinga mpofu, ne kumwambila amba, “Tumbijika Lesa, atweba twayuka namba awo muntu ye ndengamambo.”

Byubilo 14:4

Pakuba jibumba ja mu muzhi ja abene, bamo bateele muchima ku Bayudea, bakwabo nabo ku batumwa.