Yoano 8:44 - KNTP

⁴⁴ Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

Yoano 8:44 Iomraidhean Croise

Mateo 12:34

Anweba kisaka kya milolo, mukonsha byepi kwamba byawama byo muji babi! Pakuba monka mo byayujila mu muchima ne kanwa kambila monka.

Mateo 13:15

Ke pakuba michima ya bano bantu yaluwankana, ne matwi abo ashinka, ne meso abo beazhinzhibika. Kuchiina amba, bakamwesha na meso abo, ne kumvwa bakomvwa na matwi abo, ne kukwatakanya baka kwatakanya mu michima yabo, ne kwaluluka, ne amiwa na kebabuka.”

Mateo 13:38

kabiji abwa bujimi po pano pantanda, kabiji aya nkunwa yawama, bo baana bamu bufumu, kabiji abya bincha bo baana bakwa aye mubi,

Yoano 6:70

Yesu wibambijile amba, “Nanchi, kechi nemusalulwile anweba jikumi na babiji nenyi? Pakuba umo wa mwi anweba ye mulwanyi.”

Yoano 7:17

Inge muntu waswa kuuba kyaswa muchima wanji, usakuyuka kufunjisha kwami, kana kwa Lesa, nangwa ng'ambila mu luusa lwami amiwa mwine.

Yoano 8:38

Amiwa ng'amba byo namwene kwi bataata, ne anweba muba byo mwamwene kwi shenu.”

Yoano 8:41

Anweba muba mingilo ya shenu.” Kumvwa abo ba mwambijile amba, “Atweba kechi twasemenwe mu bukende ne, tujitu na Shetu umo, yenka Lesa.”

Yoano 8:55

Kechi mwibayuka ne, pakuba amiwa nebayuka. Kabiji inge ng'ambe namba, kechi nebayuka ne, abya nsakwikala ke wa bubela pamo ne anweba. Pakuba amiwa nebayuka, ne mambo abo nealama.

Byubilo 13:10

ne kumwambila amba, “Obewa mwana Diabola, obewa mulwanyi wa bololoke bonse wayula na bujimbijimbi bonse ne bujimuku bonse bwa kuuba bibi, kechi ukaleka kuvulang'anya mashinda aoloka a Nkambo nenyi?

Byubilo 24:9

Bayudea nabo bamushinawijile pamo, kasa betaba amba, ee, ibyo.

Byubilo 5:3

Ponkapo Petelo wamwambijile amba, “Ananyasa, mambo ka Satana ayuzhizha muchima obe amba ubepe Mupashi Wazhila, ne kufyapo mali amo o wapotesha mushiji wobe?

2 kolinda 11:3

Kabiji nachiina namba, nangwa na kya byepi, michima yenu yakabipishiwa ne kufuma kuyewa muchima umo ne wawama wata kwi Kilishitu, byonka byo amujimbaikile Evwa aye mulolo mu bujimuku bwanji.

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

2 Petelo 2:4

Mambo umvwe Lesa wabujile kwibaleka bamalaika byo balengele mambo, bino wibatayile mu Tatalusa, ne kwibabika mu bimbo bya mfishi, na ku pepembelela kije.

1 Yoano 1:8

Umvwe twa amba namba bundengamambo tufwabo, tubena kwijimbaika atweba bene, ne bukine kechi buji mwi atweba ne.

1 Yoano 2:21

Kechi mbena kwimunembela anweba, na mambo akubula kuyuka bukine ne, bino nemunembela mambo mwibuyuka, kabiji mambo kafwako bubela bufuma mu bukine ne.

1 Yoano 2:4

Awa wamba amba, “Namuyuka” bino kasa abula kulama mikambizho yanji ye wabubela, ne bukine kechi buji mwi aye ne.

1 Yoano 3:12

Kechi twafwainwa kwikala pamo nobe Kaina ne, wajinga mubi, waipayile mulongo wanji. Kabiji wamwipaijile ka? Mambo mingilo yanji yajinga yatama bino ya kwa mulongo wanji yajinga yawama.

1 Yoano 3:15

Awa washikwa mulongo wanji ye mbanzhi, kabiji mwayuka amba kafwako mbanzhi uji na bumi bwa myaka bwaikala mwi aye ne.

Yuda 1:6

Ne bamalaika babujile kulama bukulumpe bwabo, kabiji bashiile bifulo byabo byo baikajilengapo bene, wibalama mu mfungwa ya myaka mu mfishi, na kupembelela kije kya aja juba jikatampe.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 2:10

Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.

Lumwekesho 9:11

Bino baji na mfumu wabo yenkaye malaika wa kalengwa. Jizhina janji mu Kihebelu ja Abadoni, pakuba mu kigiliki namo ja Apolyona. (Kulumbulula amba “Monaushi.”)