43 Kepo kwabukile lupata mu jibumba na mambo a aye.
Ke pakuba naiya kwabanya muntu ne shanji, mwana wamukazhi naye ne inanji, mulokazhi naye ne inanjivyala;
Anweba amba, naiya kuleeta mutende pano pantanda nyi? Amiwa nemubula namba, ine, poso lonka lwabano.
Ponkapo mu Bayudea mwabuukile lwabano jibiji na mambo a bino byambo.
Kabiji mu mabumba mwajinga kunyinyita kwavula kwa kumunyinyita aye, bamo ba ambilenga amba, “Ye muntu wawama.” Kabiji bakwabo nabo amba, “Ubepaikatu bantu.”
Kepo bamo Bafaliseo ba ambile amba, “Nanchi awo muntu kechi wa kwa Lesa ne, mambo kechi ulama Sabado ne. Kumvwa bakwabo amba, nanchi muntu ndengamambo akonshe byepi kuuba biyukilo biji bibye?” Ponkapo mwi abo mwabuukile lwabano.
Pakuba jibumba ja mu muzhi ja abene, bamo bateele muchima ku Bayudea, bakwabo nabo ku batumwa.
