Yoano 7:16 - KNTP

¹⁶ Kumvwa Yesu wibakumbwile amba, “Kufunjisha kwami kechi kwamitu ne, nanchi kwa aye wantuma.

Yoano 7:16 Iomraidhean Croise

Yoano 14:10

Kechi mwaitaba byo nji mwi bataata, ne bataata byo baji mwi amiwa nenyi? Byambo byo nemwambila kechi nebyamba bunke bwami ne. Pakuba Bataata bekala mwi amiwa bo boba mingilo yabo.

Yoano 14:24

Awa wabula kuntemwa kechi ulama byambo byami ne, kabiji ne byambo byo nemufunjishe kechi byami amiwa mwine ne, byo bya bataata bantumine.”

Yoano 17:14

Amiwa nebapele mambo enu, ne ba pano pantanda bebashikwa, mambo abo kechi bo ba pano pantanda ne, byonka byo nji amiwa kechi ne wa pano pantanda ne.

Yoano 17:8

Mambo nebapele byambo byo mwampele, kabiji bebitambula, ne kuyuka bayuka kine byo nafumine kwenu, kabiji baitaba amba, yenu mwantumine.

Yoano 3:11

Kine, kine nemwambila namba, byo twayuka byo byonka byotwamba, ne byo twamona byo byonka byo tushimuna, ne anweba bonse ne kwitabila kushimuna kwetu ne.

Yoano 3:31

Wafuma kwiulu ye wakila bonse. Wa panshi ye wa panshitu, ne bya panshi byo byo amba, wafuma mwiulu ye wakila bonse.

Yoano 5:30

“Amiwa kechi nakonsha kwiubila kintu nangwa pacheche ne, nchibila mambo monka monaumvwina mambo mo mwaoloka, mambo kechi nkeba kuuba mwayila muchima wami amiwa mwine ne, poso mwaswila aye wantuma.

Yoano 6:44

Kafwako wakonsha kwiya kwi amiwa ne, poso abo Bataata bantuma bamukoka, ne amiwa nkamusangula mu juba jikapelaako.

Yoano 8:28

Ponkapo Yesu wibambijile amba, “Byo mukemika Mwana Muntu, po po mukangyuka amiwa amba, yami iye, ne byo mbula kwiubila kintu amiwa mwine ne, pakuba mwamfunjishishe Bataata, momo ng'ambila bino bintu.

2 Yoano 1:9

Bonse baya kulutwe ne kwikala monka mu mafunjisho a Kilishitu ne, kechi baji na Lesa ne. Awa waikala mu mafunjisho ye uji ne Taata ne Mwana.

Lumwekesho 1:1

Lumwekesho lwa Yesu Kilishitu, lwamupele Lesa amba, akebabuule bakalume banji, bintu bikamweka palutwe kacheche. Kabiji watumine malaika wanji na kumubuula kalume wanji Yoano.