Yoano 6:57 - KNTP

⁵⁷ Byo bantumine abo bataata ba bumi, ne amiwa mbena kumwena bumi monka mwi bataata. Byonkabo awa unja amiwa, ne aye naye ukamwena bumi monka mwi amiwa.

Yoano 6:57 Iomraidhean Croise

Mateo 16:16

Kumvwa Shimona Petelo amba, “Anweba mwi Kilishitu, Mwana Lesa mumi.”

Yoano 14:19

Kwashala ka kimye kacheche ba pano pantanda kechi bakammona jibiji ne, pakuba anweba mukammonanga, byo naikala na bumi amiwa, ne anweba mukekalanga naabo.”

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Yoano 17:21

Namba bonse bekale ke umo. Taata! Byo muji mwi amiwa ne amiwa mwi anweba, byonkabyo ne abo nabo bekale mwi atweba, namba ba pano pantanda betabile amba, anweba yenu mwantumine.

Yoano 3:17

Mambo Lesa kechi watumine Mwananji pano pantanda mu kwibazhachisha ba pano pantanda ne, poso amba ba pano pantanda bapulukile mwi aye.

Yoano 5:26

Mambo Shanji byonka byo aji na bumi mwi aye mwine, byo byo amupa ne Mwana naye ekale na bumi mwi aye mwine.

Yoano 6:29

Kumvwa Yesu wibambijile amba, “Uno ye mwingilo wa Lesa, amba mu mwitabile aye yenka ye atuma.”

Yoano 6:38

Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma.

1 Kolinda 15:22

Mambo bonse byonka byo bafwile kupichila mwi Adama, byo byo bakamwena bumi bonse kupichila mwi Kilishitu.

1 Kolinda 15:45

Mambo kinembelo kyaamba amba, “Muntu mutanshi, Adama, waalukile ke muntu mumi.” Bino Adama wapelaako waalukile ke mupashi upana bumi.

2 kolinda 13:4

Mambo nangwa waipayilwe ku musalabu mu kunekena, waikala na bumi monka mu bulume bwa Lesa. Mambo ne atweba twi banekena mwi aye, byonkabyo kwi anweba tukekala nanji na bumi monka mubulume bwa Lesa.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Tesalonika 1:9

Mambo abo bene babulang'ana motwaikajile mwenu, ne byo mwaalulukijile kwi Lesa ne kuvundamina ku bankishi, mu kwingijila Lesa mumi ne wa kine

Bahebelu 9:14

Nanchi mashi a Kilishitu yenka wilambwile mwine kwi Lesa mu Mupashi wa myaka kasa abula bulema akakijishamo kwiitokesha michima yetu ku mingilo ifu amba tumwingijile Lesa mumi.

1 Yoano 4:9

Mukino mo mwasolokejile butemwe bwa Lesa mwi atweba, amba Lesa watumine Mwananji yenka awa umo panopantanda, amba twikale na bumi kupichila mwi aye.