Yoano 6:11 - KNTP

¹¹ Ponkapo Yesu washikwile bashinkwa, ne kumusanchila Lesa, wibabijile baikajile panshi ne masabi nao pamo, kabiji bonse bajiile monka mwasakijile michima yabo.

Yoano 6:11 Iomraidhean Croise

Mateo 15:36

Kabiji watambwile bashinkwa batanu na babiji ne tumasabi, ne pa kusanta wibatebawile ne kupana ku baana banji babwanga, ne baana babwanga nabo ke bapane ku mabumba.

Luka 24:30

Kabiji byo aikajile ku tebulu na kuja naabo, washikwile shinkwa ne pa kupesha ne kumutebula wibapele.

Yoano 21:10

Ne Yesu wibambijile amba, “Pano letaipo masabi amo o mwakwata.”

Yoano 21:13

Ponkapo Yesu washikwile shinkwa, ne kwibapa wibapele, ne masabi nao pamo.

Yoano 21:9

Byo batuntukile ku kitulu, bamweneko ne mujilo wa mashanga, ne masabi kasa aji ponka, ne shinkwapo.

Yoano 6:23

Nangwa byonkabyo kwaishile maato akwabo afumine mu Tibeliasa kwiya kwipi nako bajiile kajo, byo apwishishe kusanta aye Nkambo.

Yoano 6:9

“Po aji mwanyike pano, uji na bashinkwa ba mbaale batanu ne masabi abiji. Pakuba bino byakepeshatu mambo bantu bavujisha.”

Byubilo 27:35

Kabiji byo a ambiletu bino, washikwile shinkwa, ne pa kusanta kwi Lesa ku meso a bonse, wamutebwile ne kuja kaje.

Loma 14:6

Aba balanguluka amba juba jimo janema, bejinemekela Nkambo. Aba baja, baja mu kumunemeka Nkambo, mambo bapika sante kwi Lesa na mambo a kajo, aba babula kuja, baleka kuja mambo basaka kumunemeka Nkambo ne kupika sante kwi Lesa.

1 Kolinda 10:31

Byonkabyo nangwa muja, nangwa mutoma, nangwa muuba kya byepi, byonse kasa mwibyubila lukumo lwa Lesa.

Tesalonika 5:18

mu byonse santai, kyo kyaswa muchima wa Lesa mwi Kilishitu Yesu kwi anweba.