Yoano 5:5 - KNTP

⁵ Kwajinga ne muntu umo wajinga na kikola myaka makumi asatu ne myaka itanu na isatu.

Yoano 5:5 Iomraidhean Croise

Mako 9:21

Kabiji Yesu wamwipwizhe shanji amba, “Lelo myaka inga yoaikala nakyo?” Kumvwa aye wakumbwile amba, “kufumatu ne ku bwanyike.”

Luka 13:16

Ne uno mwanamukazhi, byo aji mwana Abulahama ye bakashile kwi Satana, pano ke myaka jikumi ne itanu na isatu, kechi wajikufwainwa kukasululwa kuye uno lufungwa mu juba ja Sabado nenyi?”

Luka 8:43

Kwajinga ne mwanamukazhi wajinga na kikola kya kupita mashi myaka jikumi na ibiji, nangwa watayile byonse bya mubwikalo bwanji ku bang'anga, kechi wabukilwe nangwa ku umo ne.

Yoano 5:14

Bino byo byapwile, Yesu wamutaine mu nzubo ya Lesa, wamwambijile amba, “Talai, byo mwaikala ke mutuntulu, kechi mukabwezhepo kulenga mambo ne, mwakeya kukwatwa ne kyakila.”

Yoano 5:4

Mambo malaika wa Nkambo, moba amo waikijilenga mu kizhiba na kutenkenya mema. Kabiji awa mutanshi waikijilemo pa kutenkena mema waikajile ke mutuntulu ku kikola kyanji kyo aji nakyo, nangwa kya byepi, nangwa kya byepi.

Yoano 5:6

Yesu byo a mumwene kasa alaala, kabiji wayukile amba kyamutatwile kala, wamwambijile amba “Lelo, mwasakisha kwikala ke mutuntulu nyi?”

Yoano 9:1

Yesu byo apichilenga, wamwene muntu wasemenwe na bumpofu.

Yoano 9:21

Pakuba pano byo kamone, kechi twayuka ne, nangwa wamulabisha meso anji, kechi twamuyuka ne, mwipuzhai wakoma, mwine usakwiambila!”

Byubilo 14:8

Kabiji mu Lisitila mwajinga muntu walemana maulu kufuma ku kusemwa kwanji aye kechi waendelepo nagwa jimotu ne.

Byubilo 3:2

Kabiji baleetele mwanamulume kasa bamupaapa, kilema maulu kufuma pa kusemwa kwanji, bamutujilenga pa juba pa juba ku kibelo kya nzubo ya Lesa, kyobatelele amba, “Kibelo kya Buya,” na kulomba bukwasho ku batwela mu nzubo ya Lesa.

Byubilo 4:22

Mambo awa muntu wabukilwe na kya kukumya, myaka yanji yakijile makumi ana.

Byubilo 9:33

Wataineko muntu, jizhina janji Eneasa, walajilenga pa mwanya wanji myaka itanu na isatu, wabelelenga kalepu.