Yoano 5:44 - KNTP

⁴⁴ Nanchi mwakonsha byepi kwitabila, byo mwinemeka anweba bene na bene, ne kusaka buneme bufuma kwi Lesa yenka awa umo ne?

Yoano 5:44 Iomraidhean Croise

Mateo 23:5

Kabiji mingilo yabo yonse beyuba amba, bebamone ku bantu. Kabiji babayisha mfilaketele yabo, ne kunungulula mikonko ya bivwalo byabo!

Luka 19:17

Ne aye wamwambijile amba, ‘Wauba bulongo, obewa kalume wawama! Mambo waikala wakishinka pa tucheche, tambula luusa lwa pa mizhi jikumi.’

Yoano 12:43

Mambo batemenwe buneme bwa ku bantu kukila lukumo lwa kwi Lesa.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 3:20

Byonkabo bonse boba byatama bashikwa kyeya, ne kwiya ku kyeya ne, kuchiina amba byubilo byabo byakasoloka.

Yoano 5:41

“Amiwa kechi mbena kukeba kutambula buneme ku bantu ne.

Yoano 8:43

Mambo ka o mubujila kumvwisha byambo byami? Mambo anweba kechi mwakonsha kutambula mambo ami ne.

Loma 2:10

Pakuba lukumo, ne buneme, ne mutende bikekala ku bonse boba byawama, kutatwila ku Bayudea, kabiji ne ku Bagiliki pamo.

Loma 2:29

pakuba mwine mwina yudea ye yenkawa uji naabo ne mu muchima, ne mukanda wa kine ye wa muchima, wa ku Mupashi, kechi wa mu byambotu ne, ye batota kechi ku bantu ne, kana kwi Lesa.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

1 Kolinda 4:5

Onkao mambo kechi muchibe mambo kimye kasa kikyangye kufika ne, poso Nkambo waiya. Ye ukasolola patoka bintu byafyamika bya mu mfishi, ne kumwesha bulongo milanguluko ya mu michima, kabiji muntu yense ukamona kutotwa kwi Lesa.

2 kolinda 10:18

Mambo aye witota mwine kechi ye witabilwa ne, kana ye batota kwi Nkambo.

Filipai 2:3

Kechi mube kintu nangwa kimo mu kwilanguluka anwe bene nangwa mu kwitota kwatu ne, poso na muchima wipelula kasa mulanguluka bonse, pa muntu pa muntu amba, mukwetu wankila mu kuwama.

Tesalonika 2:6

Nangwa kukeba kutumbijikwa ku bantu ne, nangwa kwi anweba nangwatu ku bakwabo ne,

1 Timoti 1:17

Pano kwi aye Mfumu wa myaka, ubula kufwa, ubula kumweka, yenkaye Lesa, kwikale buneme ne lukumo myaka ne myaka. Amena.

Bahebelu 3:12

Anweba bakwetu jimukai, kuchiina amba mwi anweba mwakekala nangwa mu umo uji na muchima mubi wamilengulwila, wa kupondoka kwi Lesa mumi.

Yakoba 2:1

Balongo bami, byo mwaikala na lwitabilo lwa mwi Nkambo yetu Yesu Kilishitu Nkambo wa lukumo, kechi mutale ku bilungi bya bantu ne.

1 Petelo 1:7

Amba lwitabilo lwenu pa kwesekwa, byo lwakijisha ngolode yonaika mu buneme nangwa beyeseka mu mujilo, lukatanwe ke lwa kutotwa ne lwa lukumo ne lwa buneme byo akamweka Yesu Kilishitu.

Yuda 1:25

Kwi aye Lesa umotu yenka, Mupulushi wetu, monka mwi aye Yesu Kilishitu Nkambo yetu kwikale lukumo, ne buneme, ne ngovu, ne luusa, kunyuma ya myaka yonse ya kala, ne pano, ne ku myaka yonse ikeyako. Amena.