Yoano 4:42 - KNTP

⁴² Ne abo ba mwambijile mwanamukazhi amba, “Pano twaitabila, kechi na mambo a byambo byobe ne, bino mambo ne atweba bene twiumvwina, ne kuyuka twayuka namba, uno kine ye Mupulushi wa ba pano pantanda.”

Yoano 4:42 Iomraidhean Croise

Mateo 1:21

Kabiji aye ukasema mwana wamulume, ne obewa ukamutumba jizhina janji amba Yesu, mambo aye yenka ukebapulusha bantu banji ku mambo abo.”

Luka 2:32

Kyeya kya kwibamwesha Bangentila ne lukumo lwa bantu benu bena Isalela.”

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 11:17

Yesu byo afikileko, wamutaine sa aji mu kilende moba ke ana.

Yoano 17:8

Mambo nebapele byambo byo mwampele, kabiji bebitambula, ne kuyuka bayuka kine byo nafumine kwenu, kabiji baitaba amba, yenu mwantumine.

Yoano 4:29

“Twayai, mukamone muntu, wambuula byonse byo naubile kala. Uno kana ye Kilishitu nyi?”

Yoano 4:41

Bavula bakwabo baitabijile mambo a byambo byanji mwine,

Byubilo 13:23

Monka mu ba munkunwa ya Davida, aye Lesa wibemenyamo bena Isalela Mupulushi Yesu, monka mwayila mulaye wanji.

Byubilo 4:12

“Kabiji lupulukilo lujitu monka mwi aye, pakuba kechi paji jizhina jikwabo muno munshi japewa mu bantu jo twafwainwa kupulukilamo ne.”

Byubilo 5:31

Aye uno yenka, Lesa wamutumbijikile ku kuboko kwanji kwa kilujo amba, ekale Ntangi ne Mupulushi, ebape bena Isalela lulapilo ne lulekelo lwa mambo.

2 kolinda 5:19

Ko kuuba amba, Lesa wapwaine na ba pano pantanda mwi Kilishitu ne aye mwine, ne kwibatelela mizhilulwila yabo ne, kabiji wafikizhe byambo bya lupwaino kwi atweba.

1 Timoti 4:10

Mambo na onka ano mambo o twingijisha kyakosa kasa twakolomokatu, mambo luketekelo lwetu luji mwi Lesa mumi, ye Mupulushi wa bantu bonse, pakuba baitabila bo bene.

1 Yoano 2:2

Aye ye mfuto ya mambo etu, kechi etu onka ne, ne aba pano pantanda ponse.

1 Yoano 4:14

Kabiji twamona ne kushimuna namba Taata watumine mwananji amba ekale ke mupulushi wa ba panopantanda.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.