Yoano 4:41 - KNTP

⁴¹ Bavula bakwabo baitabijile mambo a byambo byanji mwine,

Yoano 4:41 Iomraidhean Croise

Luka 4:32

ne abo bakuminye bingi kufunjisha kwanji, mambo aye wafunjishenga na luusa.

Yoano 4:40

Kabiji bena Samaliya byo baishile ko aji, bamusashijile amba, bekale nanji mu muzhi wabo, byonkabyo wazhikijilwe monka moba abiji.

Yoano 4:42

Ne abo ba mwambijile mwanamukazhi amba, “Pano twaitabila, kechi na mambo a byambo byobe ne, bino mambo ne atweba bene twiumvwina, ne kuyuka twayuka namba, uno kine ye Mupulushi wa ba pano pantanda.”

Yoano 6:63

Ye Mupashi upana bumi, buntunshi bo bwatu. Byambo byo nemwambila byo bya mupashi, kabiji byo bya bumi.

Yoano 7:46

Kumvwa bakalama amba, “Nangwatu kufuma kukala kene kafwako muntu wa ambile byo amba uno muntu ne!”

Byubilo 1:8

Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.”

Byubilo 15:3

Byonkabyo abo, byo bebashinjikinye ku kipwilo, bapichile mu Finesha ne Samaliya, sa bebabula mambo a kwaluluka kwa Bangentila, kabiji bebaletejile lusekelo lukatampe balongo bonse.

Byubilo 8:12

Bino byo baitabijile kwi Filipa byoasapwijilenga Mambo Awama a bufumu bwa Lesa ne a jizhina ja Yesu Kilishitu, ba batizhilwe banabalume ne banabakazhi.

Byubilo 8:25

Byonkabyo abo, byo bashimwine ne kwamba naabo mambo a Nkambo, babwelele ku Yelusalema, kasa basapwila Mambo Awama mu mizhi yavula ya bena Samaliya.

Bahebelu 4:13

Kabiji kafwako nangwa kilengwa kimo kyafyamika ku meso a Lesa ne, pakuba bintu byonse byasoloka patoka ku meso a yewa ye tukatotololako.