Yoano 4:34 - KNTP

³⁴ Kumvwa Yesu amba, “Kajo kami, ko kuuba kyaswa muchima wa aye wantuma, ne kupwisha mwingilo wanji.

Yoano 4:34 Iomraidhean Croise

Mateo 26:39

Kabiji waendeleko pacheche, wakuvumene panshi na kulomba amba, “Taata, umvwe kyakonsheka kubiwa, kano katomeno kampitaile! Byonkabyo kechi kyasaka muchima wami ne, poso kyasaka muchima wenu.”

Mateo 3:15

Bino Yesu wamukumbwile amba, “Byonkabyo pano swai, pakuba momo kitufwainwa tufikizhe bololoke bonse.” Ponkapo Yoano waswile.

Mateo 9:19

Ne Yesu waimene kamulondele ne baana banji babwanga pamo.

Luka 15:10

Byonkabyo, nemwambila namba, kuji lusekelo ku meso a bamalaika ba Lesa pa ndengamambo umo walapila.”

Luka 19:10

Mambo Mwana Muntu waiya na kwibakeba ne kwi bapulusha balubilamo.”

Luka 2:49

Ne aye wibambijile amba, “Mambo ka kyo mwaji kunkebelanga? Kechi mwayuka amba, nafwainwa kwikala mu nzubo ya Bataata nenyi?”

Yoano 17:4

Amiwa nemutumbijika pano panshi, byo napwisha mingilo yo mwampele amba neyube.

Yoano 19:28

Bino byo byapwile, Yesu wayukile amba, pano byonse byapwa, wa ambile amba, “Nafwa kilaka,” mambo a kuuba amba kinembelo kifike.

Yoano 19:30

Ponkapo Yesu, byo atambwile binyu byasasa, wa ambile amba, “Kyapwa!” Wanyengekele mutwe wanji ne kuleka ku mweo.

Yoano 4:32

Pakuba aye wibambijile amba, “Amiwa nji na kajo ka kuja ko mwabula kuyuka anweba.”

Yoano 5:30

“Amiwa kechi nakonsha kwiubila kintu nangwa pacheche ne, nchibila mambo monka monaumvwina mambo mo mwaoloka, mambo kechi nkeba kuuba mwayila muchima wami amiwa mwine ne, poso mwaswila aye wantuma.

Yoano 5:36

Pakuba lushimuno lwami lonji nalo amiwa lwakila lwa kwa Yoano, mambo mingilo yo bampele Bataata amba wiipwishe, yonkaya mingilo yo mbena kuuba amiwa yo inshimuna amba, Shanji wamutuma.

Yoano 6:33

Ke pakuba kajo ko apana aye Lesa, ke yenkawa ufuma mwiulu, ye upana bumi ku ba pano pantanda.”

Yoano 6:38

Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma.

Yoano 8:29

Ne aye wantuma uji ne amiwa, aye kechi wandeka bunke ne, mambo mbena kuuba bya kumutokesha pa muchima moba onse.”

Byubilo 20:35

Mu byonse nemumwesheshe mo mwafwainwa kwingijila kyakosa byonkabyo, ne kukwasha banekena, kasa muvuluka byambo bya Nkambo Yesu, byo a ambile aye mwine amba, ‘Kupana kuji na mapesho kukila kutambula.’”

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.