Yoano 4:14 - KNTP

¹⁴ pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”

Yoano 4:14 Iomraidhean Croise

Mateo 25:46

Kabiji bano bakaya ku lukabisho lwa myaka. Pakuba baoloka bakaya ku bumi bwa myaka.”

Mateo 5:6

Baumvwa nzala ne kilaka kya kusakisha bololoke bo batokwa; mambo bakekuta!

Yoano 10:10

Ngivi kechi wiyatu ne, poso kwiba, ne kwipaya, ne konauna. Amiwa naishile namba bamone bumi, kabiji namba bekale naabo bwavula.

Yoano 11:26

ne bonse baji na bumi ne kungitabila amiwa kechi bakafwe myaka yonse nangwa pacheche ne. Wibitabila bino nyi?”

Yoano 4:10

Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”

Yoano 4:11

Mwanamukazhi wamwambijile amba, “Mwane, kechi muji na kya kutapulako ne, ne mushima naye wazhika, nanchi ao mema a bumi mwi afumye pi?

Yoano 4:13

Kumvwa Yesu wamwambijile amba, “Bonse batoma ano mema bakomvwa kilaka jibiji,

Yoano 4:36

Kabiji awa unowa utambula mfweto, ubungizha ne kajo ka ku bumi bwa myaka; namba ne yewa ukusa nkunwa ne yewa unowa basekele pamo.

Yoano 6:27

Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”

Yoano 6:35

Kumvwa Yesu wibambijile amba, “Amiwa ne kajo ka bumi, aye wiya kwi amiwa kechi akomvwe nzala nangwa pacheche ne, kabiji ne awa wangitabila amiwa kechi akomvwe kilaka nangwa myaka yonsetu ne.

Yoano 6:58

Kano ko kajo kafuma mwiulu, kechi pamo nako bajilengapo bashakulu benu ne, pakuba abo bekajiile ne kufwa bafwile, bino awa uja ku kano kajo ukekala na bumi myaka.”

Yoano 7:37

Mu juba japeleleko, jo jajinga jikatampe ja kijiilo, Yesu waimene ne kubijika amba, “Inge muntu waumvwa kilaka, eye kwi amiwa atome.

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

Loma 6:23

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

2 kolinda 1:22

kabiji ye yenka witubika kayukilo, ne kwitupa Mupashi Wazhila mu michima yetu ke bukikizhi.

Efisesa 4:30

Kabiji kechi mu mufichishe ku muchima aye Mupashi Wazhila wa Lesa ne, mwi aye mo mwabikilwe kayukilo ka kufika ne ku juba ja bukuuzhi.

1 Petelo 1:22

Byo mwatokesha michima yenu na kukookela bya bukine ne kumwenamo butemwe bwa kine bwa kutemwa balongo, kasa mwitemwa anweba bene na bene na muchima watoka too.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

Lumwekesho 7:16

Kechi bakomvwa nzala jibiji ne, nangwa kumvwa kilaka ne, ne mute nangwa kyuya kechi bikebakatazha ne,

Lumwekesho 7:17

mambo aye Mwana Mukooko uji mukachi ka jitanda ukekala kafunga wabo, kabiji ukebatangijila kuji masulo atupauka a mema a bumi. Ne aye Lesa ukashiimuna mipolo yonse ku meso abo.”