Yoano 4:10 - KNTP

¹⁰ Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”

Yoano 4:10 Iomraidhean Croise

Luka 11:13

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Yoano 16:3

Ne bino bintu bakebyuba, mambo kechi bebayuka bataata nangwa amiwa ne.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Yoano 4:14

pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”

Yoano 6:35

Kumvwa Yesu wibambijile amba, “Amiwa ne kajo ka bumi, aye wiya kwi amiwa kechi akomvwe nzala nangwa pacheche ne, kabiji ne awa wangitabila amiwa kechi akomvwe kilaka nangwa myaka yonsetu ne.

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Byubilo 9:11

Ne Nkambo wamwambijile amba, “Imana, uyenga mu mukwakwa yebateela amba, waoloka, ukepuzhe ku nzubo yakwa Yudasa muntu jizhina janji Saulo, mwina Talasusa. Mambo tala, ubena kulomba,

Loma 8:32

Aye wabujile kukana kupana Mwananji mwine, kabiji wamupaine na mambo a atweba bonse, akabule byepi kwitupatu bintu byonse pamo byonka byo etupeleye?

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

1 Kolinda 10:4

kabiji bonse batomene mema amo a bumupashi. Mambo batomenenga ku aja jibwe ja bumupashi jibalondejilenga; kabiji aja jibwe jajinga Kilishitu.

2 kolinda 9:15

Sante ekale kwi Lesa na mambo a kya bupe kyanji kyabulwa ne mwa kwikilumbulwila.

Efisesa 2:8

Mambo ko ku bupe ko mwapulukila monka mu lwitabilo. Kabiji kechi kyo kintu kyafuma kwi anweba bene ne, kyokya kupanatu aye Lesa.

Bahebelu 6:4

Mambo kechi kyakonsheka kwibabwezha amba balapile jibiji aba batambwile kala kyeya, ne kutompako ku kya bupe kya mwiulu, ne kutambulako Mupashi wa Wazhila;

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

Lumwekesho 21:6

Kabiji wang'ambijile amba, “Byamweka kala! Amiwa ne Alefwa ne Omega, ne ntendekelo ne mpelo. Aye waumvwa kilaka amiwa nkamupapo kutoma ku nsulo ya mema a bumi atupauka a bupetu.

Lumwekesho 22:17

Aye Mupashi ne aye musongwa amba, “Iyai!” Ne yense waumvwa naye, ambe amba, “Iyai!” Ne aye waumvwa kilaka, naye eye, ne aye wasaka naye atambule mema a bumi a bupetu.

Lumwekesho 7:17

mambo aye Mwana Mukooko uji mukachi ka jitanda ukekala kafunga wabo, kabiji ukebatangijila kuji masulo atupauka a mema a bumi. Ne aye Lesa ukashiimuna mipolo yonse ku meso abo.”