Yoano 3:8 - KNTP

⁸ Lubesha lupuupila ko lusaka, obewa umvwa ne jiwi jalo, bino kechi wayuka ko lufuma ne ko luya ne. Byo biji ne bonse basemwa ku Mupashi.”

Yoano 3:8 Iomraidhean Croise

Yoano 1:13

Bo basemekelwe, kechi ku mashi ne, nangwa ku kyaswa muchima wa buntunshi ne, nangwa ku kyaswa muchima wa muntu ne, kana konka kwi Lesa.

Yoano 3:7

Kechi mukumye byo nemwambila namba, anweba mwafwainwa kusemwa jibiji ne.

Yoano 3:9

Kumvwa Nikodema wamwambijile amba, “Lelo, bino bikonsheke byepi?”

Byubilo 2:2

Ponkapo mwafumine kilulumo mwiulu nobe mwela mukatampe upuupa, kabiji wayuzhizhe nzubo yonse mobaikajile.

Byubilo 4:31

Ponkapo byo balombele, ne momwa mobapwijile mwasunkene, ne bonse bayujile na Mupashi Wazhila, ke bambetu mambo a Lesa na kuchinchika.

1 Kolinda 12:11

Mambo bino byonse bingila yenka Mupashi umo ye wibabenya pa muntu pa muntu monka mo aswila mwine.

1 Kolinda 2:11

Mambo ng'anyi muntu wayuka biji mu muchima wa muntu mukwabo? Poso mupashi wa muntu mwine uji mwi aye. Mo monka ne bintu bya Lesa nabyo kafwako wibiyuka ne, poso yenka Mupashi wa Lesa.

1 Yoano 2:29

Umvwe mwayuka amba ye waoloka, mwafwainwa kuyuka kine amba bonse boba bololoke basemwa kwi aye.