Yoano 3:25 - KNTP

²⁵ Ponkapo kwabuukile lupata, baana babwanga ba Yoano ne umo mwina yudea na mambo a kwiovwa.

Yoano 3:25 Iomraidhean Croise

Mateo 3:11

Amiwa nemubatizha mu mema, lubatizhilo lwa lulapilo, pakuba ao undondela panyuma yami wankila bulume, amiwa kechi nafwainwa nangwatu kumusendela makwabilo anji ne. Aye ukemubatizha na Mupashi Wazhila ne na mujilo.

Mako 7:8

“Mwaleka mukambizho wa Lesa, bino mwalamako bya kisemwa kya bantu.”

Yoano 2:6

Kwajinga ne milondo ya mabwe itanu na umo yo batujile konka, mwayila kisho kya Bayudea kya kwiovwa, yabaya ya kwitulwilamo mu umo bandundundu nangwa babiji, nangwa basatu.

Bahebelu 6:2

nangwa kya mafunjisho a lubatizhilo ne bya kutenteka maboko, bya lusanguko lwa bafu, ne bya luzhachisho lwa myaka ne.

Bahebelu 9:10

mambo byayijile mu bya kuja ne mu bya kutoma ne mu bya kwiovwa kwa misango ne misango. A bino byajinga mizhilo ya pangye ya mubiji, yapainwe poso mwaka wa bikwabo bipya akafike.

Bahebelu 9:23

Byonkabyo kyafwainwe bifwanyikizho bya bintu bya mwiulu kwibitokesha mu joja jishinda. Pakuba bintu bine bya mwiulu bikebewa bitapisho byawama kukila bibye.

1 Petelo 3:21

o afwanyikizha lubatizhilo lwimupulusha ne anweba pano, kechi na kufumya biko pa mubiji ne, poso kusakisha kwi Lesa muchima wawama ubula kwizhachisha, monka mu lusanguko lwa Yesu Kilishitu.